Qazaxıstanda yanvar iğtişaşları zamanı ölənlərin sayı açıqlanıb

Qazaxıstanda yanvar ayında baş vermiş kütləvi iğtişaşlar zamanı ölənlərin sayı açıqlanıb.

1news.az TASS-a istinadən xəbər verir ki, Qazaxıstanın Baş prokuroru Berik Asılov bugün ölkə parlamenti Məclisində (aşağı palata) çıxışında deyib ki, yanvar hadisələri zamanı 230 nəfər həlak olub.

Onun sözlərinə görə, həyatını itirənlərdən 19 nəfəri hərbçi və təhlükəsizlik qüvvələrinin əməkdaşıdır.

Baş prokuror bildirib ki, ən çox ölüm faktı Almatı şəhərində (139 nəfər) qeydə alınıb.

Berik Asılov əlavə edib ki, 20 nəfər təsadüfən atəş altına düşərək ölüb. Bundan başqa iğtişaşlar zamanı 3500-ə yaxın təhlükəsizlik işçisi də xəsarət alıb.

1news.az