Azərbaycan və Rusiya müdafiə nazirləri telefonla danışıb

Martın 25-də Rusiya Federasiyasının müdafiə naziri ordu generalı Sergey Şoyqunun təşəbbüsü ilə onun Azərbaycan Respublikasının müdafiə naziri general-polkovnik Zakir Həsənov ilə telefon danışığı olub.

Müdafiə Nazirliyindən 1news.az-a verilən xəbərə görə, tərəflər Rusiya sülhməramlı kontingentinin müvəqqəti yerləşdiyi Azərbaycan ərazilərindəki mövcud vəziyyəti, həmçinin regional təhlükəsizlik və qarşılıqlı maraq doğuran bir sıra digər məsələləri müzakirə ediblər.

***

Saat 14:55

Azərbaycan və Rusiya müdafiə nazirləri arasında telefon danışığı olub.

1news.az-ın APA-ya istinadən verdiyi məlumata görə, Sergey Şoyqu azərbaycanlı həmkarı Zakir Həsənovla Qarabağdakı vəziyyətin sabitləşməsini müzakirə edib.