Daha bir yeniyetmə cüdoçumuz Asiya kuboku yarışında qızıl medal uğrunda mübarizə aparacaq

Özbəkistanın paytaxtı Daşkənddə yeniyetmələr arasında cüdo üzrə Asiya kuboku yarışı davam edir.

1news.az xəbər verir ki, yarışda Azərbaycan komandası da iştirak edir. Cüdoçularımızdan Əbil Yusifov (66 kq) yarımfinalda yerli idmançı Zhalyn Nurtayı məğlub edərək finala vəsiqə qazanıb. Həlledici mərhələdə onun rəqibi gürcüstanlı Mate Gvelesiani olacaq.

Azərbaycanın 22 cüdoçu ilə təmsil olunduğu turnirə 6 ölkədən 314 idmançı qatılıb.