Azərbaycanla Gürcüstan arasında 20-ə yaxın müqavilə imzalanacaq

Azərbaycan ilə Gürcüstan arasında bu günə qədər 113 müqavilə imzalanıb.

1news.az-ın Trend-ə istinadən məlumatına görə, bunu xarici işlər naziri Ceyhun Bayramov Azərbaycanda səfərdə olan Gürcüstan xarici işlər naziri İliya Darçiaşvili ilə birgə brifinqdə deyib.

Nazir bildirib ki, hazırda iki ölkə arasında 19 müqavilə baxılmaqdadır: "Yaxın zamanlarda həmin müqavilələrin imzalanmasının şahidi olacağıq".