Belarus-Azərbaycan futbol matçının keçiriləcəyi yer bəlli oldu

Azərbaycan milli komandasının UEFA Millətlər Liqası çərçivəsində iyunun 6-da səfərdə Belarus yığmasına qarşı keçirəcəyi oyunun məkanı müəyyənləşib.

1news.az AFFA-nın saytına istinadla xəbər verir ki, Belarus – Azərbaycan oyunu Serbiyanın Novi Sad şəhərindəki “Karadjordje” stadionunda keçiriləcək. Qarşılaşma Bakı vaxtı ilə saat 22:45-də başlayacaq.

Turnirin C liqasının 3-cü qrupunda yer alan Azərbaycan yığmasının rəqibləri Slovakiya, Belarus və Qazaxıstan milliləridir.