COVID-dən ölənlərə görə bayraqlar endiriləcək

ABŞ-da yeni növ koronavirusdan (COVID-19) ölənlərin sayı 1 milyonu ötüb.

1news.az BBC-yə istinadən xəbər verir ki, bu barədə Ağ Evin bəyanatında bildirilib.

Qeyd olunub ki, Prezident Co Bayden xəstəlikdən vəfat edənlərin xatirəsinin yad edilməsi məqsədi ilə cümə axşamı günü ölkədə bayraqların yarıyadək endirilməsi ilə bağlı qərar imzalayıb.

Co Baydenin günün sonunda qlobal COVID-19 sammitində videomüraciət formatında çıxışı gözlənilir.

Qeyd edək ki, 330 milyon nəfər əhalisi olan ABŞ-da COVID-19 virusuna 80 milyon yoluxma halı təsdiqlənib.

1news.az