Gürcüstanda 4,8 maqnitudalı zəlzələ oldu

Gürcüstanda 4,8 maqnitudalı zəlzələ baş verib.

1news.az xəbər verir ki, bu barədə ölkənin Seysmoloji Monitorinq Milli Mərkəzindən bildirilib.

Yeraltı təkanlar Tbilisi vaxtı ilə saat 07:36-da qeydə alınıb. Zəlzələnin episentri Dmanisi rayonu yaxınlığında, Sameba kəndində olub. Zəlzələ paytaxt Tbilisidə də hiss olunub.

Bu gün səhər saatlarında Gürcüstan-Ermənistan sərhədində daha iki zəlzələ baş verib. Yerli vaxtla 09:18-də və 09:48-də baş verən hər iki zəlzələ 3,1 bal gücündə olub.

Dağıntı və xəsarət barədə hələlik məlumat yoxdur.

1news.az