Məşhur ingilis alimin oyuncaq gəlinciyi hazırlanıb - FOTO
Tanınmış oyuncaq şirkəti məşhur ingilis primatoloq Ceyn Qudollun şərəfinə gəlincik hazırlayıb.
1news.az NTV-yə istinadən bildirir ki, şimpanzelərlə bağlı elmi araşdırmaları ilə dünyanın ən məşhur alimlərindən birinə çevrilən 88 yaşlı Qudoll uşaq olarkən ətrafında nümunə götürə biləcəyi bir qadın olmadığını, özünə Tarzan və “Dr. Dolittle” kimi təxəyyül məhsulu olan qəhramanları örnək götürməli olduğunu deyib.
Qudoll “Kuklamın düzələcəyini eşidəndə çox sevindim, çünki bunun edilməsini uzun müddət idi ki, istəyirdim. Bilirəm ki, qızlar ancaq kino ulduzları olmaq istəmirlər. Mənim kimi təbiətdəki heyvanları araşdırmaq istəyən çoxlu qızlar var və Ceyn gəlinciyi bu cür bir çox qız üçün mükəmməl bir nümunə olacaq" - deyə bildirib.
Uşaqlara ilham vermək üçün hazırlanan oyuncaq fərqli görünüşü ilə diqqət çəkir. Boynunda durbini, əlində qeyd dəftəri, yanında isə şimpanzesi olan gəlincik, oyuncaq şirkətinin satışa çıxarılan "ilham verən qadınlar seriyası"nın son məhsuludur.
Şirkət həmçinin oyuncağın hazırlanmasında yenidən emal edilmiş plastikdən istifadə edilməsinə də xüsusi diqqət çəkib.
1news.az
