“Neftçi” ilk oyunda “Rapid”ə minimal hesabla qalib gəldi - VİDEO

Azərbaycan Premyer Liqasının vitse-çempionu "Neftçi" avrokuboklarda növbəti oyununu keçirib.

1news.az xəbər verir ki, Bakı klubu Konfrans Liqasının III təsnifat mərhələsində ilk görüşə çıxıb.

Regekampfın yetirmələri "Bakcell Arena"da Avstriya "Rapid"i ilə üz-üzə gəlib. Ötən həftə bu stadionda "Aris"i 3 cavabsız qolla darmadağın edən "Neftçi" bu dəfə də doğma azarkeşlərini qələbə ilə sevindirib.

Hər hissədə bir qol vuran paytaxt təmsilçisi yalnız son saniyələrdə qapısında qol görərək, 2:1 hesablı qələbə ilə kifayətlənib.

Qeyd edək ki, komandalar arasında cavab oyunu avqustun 11-də Vyanada keçiriləcək.

Konfrans Liqası
III təsnifat mərhələsi
İlk oyun
4 avqust
21:00. "Neftçi" (Azərbaycan) - "Rapid" (Avstriya) - 2:1
Qollar: Ataa Caber, 44, Kenni Sayef, 60

1news.az