Avstraliyadakı icmamız erməni lobbiçilərinin qeyri-qanuni hərəkətlərinə etiraz edib | 1news.az | Xəbərlər
Siyasət

Avstraliyadakı icmamız erməni lobbiçilərinin qeyri-qanuni hərəkətlərinə etiraz edib

Qafar Ağayev17:52 - 16 / 08 / 2022
Avstraliyadakı icmamız erməni lobbiçilərinin qeyri-qanuni hərəkətlərinə etiraz edib

Avstraliyada fəaliyyət göstərən Azərbaycan icması ölkənin xarici işlər naziri Penni Vonqa müraciət edib.

Diasporla İş üzrə Dövlət Komitəsindən 1news.az-a verilən məlumata görə, Avstraliya Azərbaycanlıları Assosiasiyasının (AAA) rəhbəri Mikayıl Oytanın imzası ilə nazirə ünvanlanan məktubda erməni diasporunun Yeni Cənubi Uels (NSW) parlamentinə qeyri-qanuni təsirindən bəhs edilib.

“İcmamız parlamentdə təmsil olunan Liberal partiyasının Avstraliyanın federal hökumətini Azərbaycanın beynəlxalq səviyyədə tanınmış ərazilərini (söhbət vaxtilə erməni separatçılarının qeyri-qanuni şəkildə işğal etdikləri ərazilərdən gedir) tanımağa çağırışından məyus olub və bu hərəkəti sərt şəkildə qınayır. Beynəlxalq hüquq normalarına zidd olan bu təklif Liberal partiyasının Benneloq şöbəsinin üzvü və Rayd şəhərinin müşaviri Trenton Braun tərəfindən 6 avqust 2022-ci il tarixində irəli sürülüb”, - deyə vurğulyan AAA rəhbəri nəzərə çatdırıb ki, məhz Rayd şəhərində mütəmadi olaraq Avstraliyanın mövqeyinə və milli maraqlarına zidd hərəkətlər edən erməni diasporunun ən böyük hissəsi yaşayır.

Məktub müəllifi xatırladıb ki, Qarabağ məsələsində Avstraliyanın və dünya birliyinin mövqeyi milli dövlətlərin ərazi bütövlüyünü dəstəkləyən beynəlxalq hüquq normalarına əsaslanır. Erməni diasporunun lobbiçiləri isə siyasətə qeyri-qanuni təsir göstərmək məqsədilə Qarabağ münaqişəsi barədə öz şəxsi maraqlarına sərf edən məlumatları təqdim etməklə məşğuldurlar. Bununla isə beynəlxalq hüquqa məhəl qoymaması və dinc azərbaycanlıların fundamental insan hüquqlarını (Azərbaycanın Gəncə, Bərdə və digər şəhərlərində dinc yaşayış məntəqələrinin və mülki infrastrukturların Ermənistan silahlı qüvvələri tərəfindən bombalanması, qadınların, qocaların və uşaqların öldürülməsi buna misaldır) kobudcasına pozması prosesində təcavüzkar Ermənistana yardım göstərirlər.

Ermənistan tərəfini dünyada hansı qüvvələrin dəstəklədiyinə diqqəti cəlb edən AAA rəhbəri vurğulayıb ki, hüquqi və faktoloji tarixi məlumatları izləmək və onlara əməl etmək Avstraliyanın milli maraqlarına uyğundur. “Avstraliya Azərbaycanlıları Assosiasiyası hesab edir ki, yerli siyasətçilər yalnız Avstraliya xalqının maraqlarına xidmət etməlidirlər. Anlamaq lazımdır ki, regiona sülh lazımdır. Odur ki, bu münaqişə şişirdilməməli, əksinə, sona çatdırılmalıdır. Beynəlxalq münaqişənin dinc, multikultural və çoxmillətli ölkəmizə gətirilməsi Avstraliyanın marağında deyil. Avstraliyalı siyasətçilər bu məsələdə ölkənin ən yaxşı mənafeləri üçün hərəkət etməyə borcludurlar, çünki Avstraliya bərabərliyi, ədaləti, dəqiqliyi, dürüstlüyü qiymətləndirir və qanunun aliliyini qoruyur”, - deyə məktub müəllifi əlavə edib.

Qeyd edək ki, bu müraciət ölkədəki Liberal, Leyborist və Yaşil partiyaların federal və yerli liderlərinə də göndərilib.

Paylaş:
276

Son xəbərlər

Xankəndidə avtomat və qumbaralar aşkarlanıbBu gün, 10:35Ombudsman 31 Mart – Azərbaycanlıların Soyqırımı Günü ilə əlaqədar bəyanat yayıbBu gün, 10:23NYMEX əmtəə birjasında təbii qazın qiyməti artıbBu gün, 10:01Xırdalanda partladıcı və qumbaralar tapılıb - VİDEOBu gün, 09:46Azərbaycan neftinin qiyməti 89 dolları ötübBu gün, 09:44Ötən gün vətəndaşlardan götürülən silahların sayı açıqlandıBu gün, 09:29Beynəlxalq əmtəə, fond və valyuta bazarlarının göstəriciləriBu gün, 09:22Füzuli şəhərinə növbəti köç karvanı yola salınıbBu gün, 09:11Şirvanda saxlanılan şəxsdən 4 kiloqram narkotik vasitə götürülübBu gün, 09:08Bakının bir sıra yollarında nəqliyyatın hərəkətində çətinliklər yaranıbBu gün, 08:58İki ali məktəbə prorektor təyin edilib28 / 03 / 2024, 17:58Himayədar ailə olma zamanı tibbi müayinə pulsuz olacaq28 / 03 / 2024, 17:51Qubanın bir hissəsinin qaz təchizatında fasilə yaranacaq28 / 03 / 2024, 17:466 aylıq körpə bacısının dırnağını ağzına saldı, xəstəxanalıq oldu28 / 03 / 2024, 17:37Əməkdar artist Rahib Əliyev vəfat edib28 / 03 / 2024, 17:28CAR lideri Prezident İlham Əliyevi təbrik edib28 / 03 / 2024, 17:21Taksilərlə bağlı tələblər müəyyənləşdi - 15 il, kamera, “avro-5”, elektrik mühərrikli - ŞƏRTLƏR28 / 03 / 2024, 16:47Bakı ətrafında dəmir yolu ilə sərnişindaşımaya subsidiya verilməsi qaydaları təsdiqlənib28 / 03 / 2024, 16:34Taksi minik avtomobilləri ağ və ya qırmızı rənglərdə olacaq28 / 03 / 2024, 16:21Builki bayram günlərində yol qəzalarında ölüm faktı 36 faiz azalıb28 / 03 / 2024, 16:06
Bütün xəbərlər