Riker: “Bu bölgədə coğrafiya və tarix görüşür” | 1news.az | Xəbərlər
Siyasət

Riker: “Bu bölgədə coğrafiya və tarix görüşür”

17:09 - 29 / 11 / 2022
Riker: “Bu bölgədə coğrafiya və tarix görüşür”

Mən Bakıya səfər etməkdən və Birləşmiş Ştatların Azərbaycandakı səfirliyindən sizinlə danışmaqdan məmnunam. Azərbaycanın potensialı nəzərə çarpır. Hər dəfə buraya döndüyüm zaman mən iqtisadiyyatın, insanların dayanıqlığının və bütün Cənubi Qafqaz bölgəsi üçün imkanların artdığını müşahidə edirəm.

1news.az xəbər verir ki, bu barədə Azərbaycanda səfərdə olan ABŞ Dövlət Departamentinin Qafqaz danışıqları üzrə baş müşaviri Filip Riker videomüraciətində deyib.

Onun sözlərinə görə, ABŞ Dövlət katibi Entoni Blinken sülhün əldə olunması üçün imkana və Cənubi Qafqazın potensialına çox inanır: “O, coğrafiyanın vacib olduğunu anlayaraq məndən bölgəyə səfər etməyi xahiş etdi.

Mən indi Bakıdayam, buradan da Tbilisi və İrəvana səfər edəcəyəm. Bu bölgədə coğrafiya və tarix görüşür.

Biz bilirik ki, sülh prosesi asan deyil. Bilirəm ki, münaqişə hər iki tərəfdə illər boyu böyük çətinliklərə və əzaba səbəb olub.

Lakin inanıram ki, ümid də var. Dinc gələcək üçün olan bir ümid. Ümid edirəm ki, sülh danışıqları zamanı əldə edilən impuls saxlanıla biləcək və daha parlaq gələcəyin təminatı üçün tarixin yeni səhifəsi açıla bilər.

Hazırda gələcəyə baxan və davamlı sülhü əldə etmək istəyən hər iki ölkə tərəfindən real və cəsarətli addımları müşahidə edirəm.

Dövlət katibi Blinkenin qeyd etdiyi kimi, hər iki dövlət Cənubi Qafqazda daha firavan, dinc gələcəyi təmin etmək naminə çalışır.

Birləşmiş Ştatlar Ermənistan və Azərbaycan arasında birbaşa dialoqu dəstəkləyir və əldə olunan impulsun yeni ildə də saxlanılmasına çağırır.

Real proqres əldə olunub və sülh daha yaxşı və parlaq gələcək vəd edir.

Mən sülhün əldə olunması üçün nümayiş etdirilən zəruri cəsarəti və qətiyyəti alqışlayıram”, - Riker vurğulayıb.

Paylaş:
298

Son xəbərlər

Dağlıq rayonlarda qar yağıbBu gün, 10:58Bakıda səkiyə çırpılan avtomobil yanıb - FOTO - VİDEOBu gün, 10:50Prezident Türkiyənin milli təhsil nazirini və TBMM-in bir qrup üzvünü videokonfrans formatında qəbul edibBu gün, 10:48Dünyanın ən təhlükəli 10 şəhəri hansılardır?Bu gün, 10:47Yanvarda yol qəzalarında 55 nəfər ölübBu gün, 10:32Qusarda 53 yaşlı kişi Yeni il günündən bəri itkin düşübBu gün, 10:12Mingəçevir Su Anbarında qanunsuz balıq ovlayan şəxs saxlanılıbBu gün, 10:07Azərbaycan Mərkəzi Bankının valyuta məzənnələriBu gün, 10:00Ramin Binnətov 44 yaşında İT karyerasına başladı: “Təhsil daim inkişaf etmək deməkdir və mən heç bir fürsəti əldən vermirəm” - FOTOBu gün, 09:50KTM-nin mətbuat xidmətinin rəhbəri işdən çıxıbBu gün, 09:48Zakir Həsənov Türkiyəyə səfər edəcəkBu gün, 09:23Əmtəə bazarlarında qızıl və gümüş ucuzlaşıbBu gün, 09:22Balakəndə keçmiş məhkumdan snayper tüfəngi götürülüb - FOTOBu gün, 09:08BNA: 102 avtobusun hərəkət intervalında gecikmələr varBu gün, 09:04Lope de Veqanın yeni pyesi tapılıbBu gün, 09:00Azərbaycan nefti ucuzlaşmaqda davam edirBu gün, 08:50Məktəblərdə qış tətili başa çatıbBu gün, 08:46Bakıda sıxlıq olan yollar açıqlanıb - SİYAHIBu gün, 08:40Bloger və jurnalistlərin birinci forumu - “Çıxışa doğru”da MÜZAKİRƏ31 / 01 / 2023, 23:18Dəmir yolu üzrə də gediş haqqı artırılacaq? - ADY-dan açıqlama31 / 01 / 2023, 20:21
Bütün xəbərlər

Next TV