Özbəkistan prezidenti Qırğızıstana səfər edəcək

Özbəkistan Prezidenti Şavkat Mirziyoyev 26-27 yanvar tarixlərində Qırğızıstana səfər edəcək.

1news.az xəbər verir ki, bu barədə “Sputnik”in Özbəkistan bürosu məlumat yayıb.

Səfər zamanı Mirziyoyev Qırğızıstan Prezidenti Sadır Japarovla görüşəcək və ölkə liderləri Qırğızıstan-Özbəkistan strateji tərəfdaşlığına dair məsələləri müzakirə edəcəklər.

Həmçinin əlavə olunub ki, Mirziyoyevin dövlət səfərindən əvvəl Qırğızıstan-Özbəkistan biznes forumunun keçirilməsi də gözlənilir.