“Qarabağda həqiqi humanitar böhran olsaydı, heç bir istiqamətdən ərzaq və təchizatdan imtina edilməzdi”- Britaniyalı jurnalist
“Laçın-Xankəndi yolu və Ağdam-Xankəndi yolundan istifadə ilə bağlı vəziyyəti guya beynəlxalq miqyasda “böhran”a çevirirlər”.
Bu sözləri 1news.az-a açıqlamasına britaniyalı jurnalist, politoloq Neil Vatson deyib. Ekspertin sözlərinə görə, Nikol Paşinyanın yanaşması ardıcıl olaraq qeyri-sabitdir.
“Paşinyan sülh müqaviləsini yekunlaşdırmaqda ciddi deyil və bu da erməni xalqının iradəsini əks etdirir. Mən hesab edirəm ki, Paşinyanın keçmiş bəyanatları və Aİ, ABŞ və Rusiyanın himayəsi altında sülh danışıqlarında iştirakı onun Ermənistan üçün sülhün ən yaxşı son ssenari olduğunu göstərir. Ermənistanın ənənəvi havadarları olan Rusiya və İran sülh müqaviləsi imzalamamağa və əlbəttə ki, Xankəndindəki tanınmamış və qanunsuz rejimin qalıqlarının dağılmasına imkan verməməlidir. Xatırlatmaq da istəyirəm ki, Xankəndində ötən həftə sonu təxribat xarakterli qondarma “seçkilər”in keçirilməsinə icazə verildi. Ermənistan və Paşinyan tamamilə çıxılmaz vəziyyətdədir. Laçın-Xankəndi yolu və Ağdam-Xankəndi yolundan istifadə ilə bağlı vəziyyəti guya beynəlxalq miqyasda “böhran”a çevirirlər. Onlar Xankəndinin mühasirəyə alındığını, insanların aclıqdan öldüyünü iddia edirlər və bu yalan beynəlxalq təşkilatlarda və qərb mediasında öz dəyərini alır, çünki bu, onların altında yatan islamofob və türkofobk həssaslıqlarına uyğundur. Məsələ burasındadır ki, əgər Qarabağda həqiqi humanitar böhran olsaydı, heç bir istiqamətdən heç bir ərzaq və təchizatdan imtina edilməzdi. Onlar bu yükü tutduğu marşruta görə qəbul etmirlər”.
N. Vatsonun sözlərinə görə, Ağdam-Xankəndi yolunun üstünlük təşkil etməsi Azərbaycanın öz suveren ərazisi üzərində nəzarətinin qəbul edilməsindən xəbər verir.
“Paşinyan öz siyasi həyatı üçün mübarizə aparır və Ermənistan çıxılmaz vəziyyətdədir. Rusiya və ya ABŞ-ın ona kömək edəcəyinə dair aldanmış ümidlə hər əlavə gün üçün oynayacaq. İndi Azərbaycanın, insan həyatının müqəddəsliyini və beynəlxalq rəyi nəzərə alaraq, öz ərazisində, öz erməni əhalisini də cəlb etməklə, bu ağrılı vəziyyətlə necə məşğul olacağına qərar verməsinin vaxtı çatıb”.
