Bakıda “Yeni media mühitində təhsil və məşğulluq imkanları” adlı konfrans keçirilib | 1news.az | Xəbərlər
Cəmiyyət

Bakıda “Yeni media mühitində təhsil və məşğulluq imkanları” adlı konfrans keçirilib

Qafar Ağayev12:37 - 29 / 11 / 2023
Bakıda “Yeni media mühitində təhsil və məşğulluq imkanları” adlı konfrans keçirilib

Noyabrın 29-da Medianın İnkişafı Agentliyinin (MEDİA) təşkilatçılığı ilə “Yeni media mühitində təhsil və məşğulluq imkanları” “MEDİAlab” layihəsinin hesabat konfransı keçirilib.

1news.az xəbər verir ki, konfransın açılış mərasimində çıxış edən Medianın İnkişafı Agentliyinin İcraçı direktoru Əhməd İsmayılov dünya miqyasında rəqəmsal texnologiyaya sürətli keçidinin, iqtisadiyyatın bütün ənənəvi sahələrində olduğu kimi media sahəsində də innovasiya və texnologiyaların tətbiqinin və ən əsası bunu bacara bilən kadrların hazırlanmasının zəruriliyini qeyd edib. O bildirib ki, MEDİAlab layihəsinin fəaliyyət planının tədris proqramına uyğunlaşdırılması məqsədilə layihənin tərəfdaş universitetlərində təhsil alan 1000-ə yaxın tələbə arasında keçirilən sorğu nəticələrinin data əsaslı təhlili, media subyektləri ilə davamlı iş və çoxtərəfli kommunikasiya nəticəsində inkişafla bağlı hiss edilən ehtiyaclar, media sahəsində məşğulluqla bağlı həm yerli, həm də beynəlxalq tendensiyaların müqayisəli analizi və gənclərə məşğulluq imkanlarının yaradılmasının beynəlxalq təcrübədə verdiyi müsbət nəticələr bir daha gənclərə və gələcəyə ümidli olmağa əsas yaradır.

Əhməd İsmayılov vurğulayıb ki, bu gün qısa bir müddətdə layihə çərçivəsində əldə edilən uğurlar, növbəti mərhələdə bu sahədə təcrübə və məşğulluq imkanları ilə bağlı daha təkmil mexanizmlərin hazırlanması məqsədilə imzalanan Çoxtərəfli Əməkdaşlıq Memorandumu hər bir tərəfdən prosesin dəstəklənməsi və ümumi yanaşmanın uyğunluğunun göstəricisidir.

Tədbirdə çıxış edən Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Məşğulluq Agentliyinin İdarə Heyətinin sədri Mustafa Abbasbəyli media sahəsində işəgötürənlərə dəstək xidmətinin əhatə dairəsinin genişləndirilməsi, eyni zamanda, bu istiqamətdə davamlı tədbir və proqramların təşkili məqsədilə imzalanan Çoxtərəfli Əməkdaşlıq Memorandumu haqqında fikirlərini bölüşüb.

O bildirib ki, bu gün media həyatımızın hər bir sahəsinə daxil olub. Media ölkənin inkişafında cəmiyyətin dövlətlə ünsiyyətində çox ciddi alətə çevrilib. Bu, hər zaman belə olub, amma bu gün özünü daha qabarıq göstərir. Texnologiyanın, sosial medianın inkişafı medianı tamamilə fərqli müstəviyə gətirib çıxarıb.

Konfrans zamanı “MEDİAlab” layihəsi çərçivəsində keçirilən tədbirlərdən görüntülərin əks olunduğu videoçarx nümayiş etdirilib.

Sonra Medianın İnkişafı Agentliyinin “Media dəstək layihələri və strateji planlaşdırma” şöbəsinin müdiri Ləman İsgəndərova layihə haqqında ətraflı məlumat verərək, onun gənclərin yaradıcı düşüncəsini inkişaf etdirməyə, müasir media çağırışlarına uyğun yeni ideyaların formalaşmasına və məzmun istehsal etmə bacarıqlarının inkişafı üçün əlverişli mühit yaratmasına, komanda ilə işləmə bacarıqlarını təkmilləşdirməyə yönəlməsindən danışıb.

Tədbir çərçivəsində istedadlı və təşəbbüskar gənclərin seçilməsi, müvafiq istiqamətlər üzrə potensial kadrların müəyyənləşdirilməsi məqsədilə Medianın İnkişafı Agentliyi və “AzerGold” Qapalı Səhmdar Cəmiyyətinin birgə təşkilatçılığı ilə keçirilən “Kreativ Media - Bakı” adlı məzmun müsabiqəsinin nəticələri açıqlanıb, qalib seçilən 20-ə yaxın gəncə mükafatlar verilib.

Konfransın sonunda layihənin əsas tərəfdaşları olan ali təhsil müəssisələrindən əlaqələndirici şəxslərə nəticələrin əldə olunmasındakı dəstəyə, ümumi layihənin təşkilində göstərdikləri etimad və bu sahənin inkişafına verdikləri töhfəyə, səmərəli əməkdaşlığa, layihə çərçivəsində seçilən MEDİA səfirlərinə isə fəal iştiraklarına görə təşəkkürnamələr təqdim olunub.

MEDİAlab layihənin əsas məqsədi media sahəsində innovasiya və inkişaf yönümlü fəaliyyətin davamlılığının təmin edilməsi, təhsil prosesində ənənəvi medianın rəqəmsal mediaya inteqrasiyasının dəstəklənməsi, texnoloji transformasiya zəncirinin əsas halqalarından olan insan resurslarının inkişafı üçün müvafiq sahədə kadr potensialının artırılması, media subyektləri və ali təhsil müəssisələri arasında qarşılıqlı fəaliyyət və əməkdaşlığın genişləndirilməsinə dəstək göstərilməsi, gənclərə rəqəmsal media bacarıqlarının təkmilləşdirilməsi üçün əlverişli ekosistemin yaradılmasıdır.

Paylaş:
159

Son xəbərlər

Müəllimlərdən rüşvət alan direktor işdən çıxarıldıBu gün, 14:36Bu günədək qızılca peyvəndi vurduranların sayı açıqlanıbBu gün, 14:35Ədliyyə naziri təyin edilən Fərid Əhmədov kimdir? - DOSYEBu gün, 14:16Azərbaycanın dəniz sərhədi pozulub, İran vətəndaşları saxlanılıbBu gün, 14:11ASAP tərəfindən Xocalı soyqırımının ölkə xaricində tanıdılması istiqamətində silsilə tədbirlər keçirilib - FOTOBu gün, 14:02Narkotik istifadəçiləri arasında İİV-ə yoluxanların sayı 2 dəfə azalıbBu gün, 13:34Doktorantura və dissertantura səviyyəsində danışıq bloku üzrə imtahan keçiriləcəkBu gün, 13:11İyirmi bir il əvvəl törədilmiş qəsdən adam öldürmə cinayətinin üstü açılıbBu gün, 12:58Sabahın hava proqnozuBu gün, 12:46İlham Əliyev Səudiyyə Ərəbistanının Həcc və Ümrə nazirini qəbul edib - YENİLƏNİBBu gün, 12:45Pirallahı qəsəbəsində Elmar Nəbiyev küçəsi əsaslı təmir edilibBu gün, 12:27Azərbaycanın yeni ədliyyə naziri təyin edilibBu gün, 12:09Dünya bazarlarında qızıl və gümüş bahalaşıbBu gün, 11:59Məşhur türk aktyor vəfat edibBu gün, 11:43FHN: Ötən sutka 24 yanğına çıxış olub, 7 nəfər xilas edilibBu gün, 11:34Xankəndidə uşaq bağçasının zirzəmisində dron və xeyli silah-sursat tapılıb - FOTOBu gün, 11:14VXSİDA informasiya sistemlərini tam olaraq “Hökumət buludu”na köçürübBu gün, 11:08Yol polisi məktəbə avtomobillə gələn yuxarı sinif şagirdləri ilə bağlı xəbərdarlıq edibBu gün, 11:06Ticarət mərkəzindən qızıl üzük oğurlanıbBu gün, 11:00Qarabağ Dirçəliş Fondu və “Azərxalça” birgə layihəyə start verdilər - FOTOBu gün, 10:48
Bütün xəbərlər