“Roberto Coin” zərgərlik brendi, Italdizain şirkəti ilə birlikdə | 1news.az | Xəbərlər
Cəmiyyət

“Roberto Coin” zərgərlik brendi, Italdizain şirkəti ilə birlikdə

11:49 - 05 / 12 / 2023
“Roberto Coin” zərgərlik brendi, Italdizain şirkəti ilə birlikdə

Noyabrın 16-da axşam vaxtı “Roberto Coin” brendi “ITALDIZAIN” şirkəti ilə əməkdaşlıq çərçivəsində Azərbaycan Dövlət Kukla Teatrında “Xəmsə” layihəsinin təqdimatını keçirib.

Bu layihənin ilham mənbəyi müxtəlif şəhərlərin memarlıq üslubu və tarixidir. Tədbir zamanı təqdimat gecəsinin qonaqları “The Architecture of Jewellery” (“Zinət əşyalarının memarlığı”) adlı sənədli filmə tama ediblər. Filmin ana xəttini zinət əşyaları haqqında əhvalatlar, habelə italyan süjetlərinin Bakı şəhərində təcəssümü təşkil edirdi.

Səyahət etmək məşhur italiyalı zərgər və rəssam-dizayner Roberto Koin üçün tükənməz ilham mənbəyidir. Rəssam şəhərə gəzintiyə çıxarkən, həm binaların memarlığında, həm də təbiətdə, eləcə də nəbati motivlər, ornamentlər və çiçəklərdə gizlənmiş əhvalat və hadisələri sanki film seyr edirmiş kimi kəşf edir.

Bir neçə belə səyahət, eləcə də qədim şəhərlərdə sevgi, gözəllik və güc haqqında dolaşan dastanlar Roberto Koinin emalatxanasında yaradılmış dörd kolleksiyada təcəssüm olunub.

“Love in Verona” kolleksiyasının ilham mənbəyi Şekspirin “Romeo və Cülyetta” pyesindəki hadisələrin cərəyan etdiyi yerdir. Kolleksiyadakı hər bir zinət əşyası romantika, sədaqət və əbədi sevgidən bəhs edir.

“Flower Princess” kolleksiyası insan ruhunun ən heyrətamiz tərəfini - əfsanəvilik və mülayimliyi tərənnüm edir. Mahir ustaların toxunuşu ilə açılan çiçəklərdən ibarət bu kolleksiya daim çiçəklənən bir bağın sehridir. “Venetian Princess” nəsildən-nəslə ötürülən qədim əfsanələrin sirrini və cazibəsini xatırladır. “Art Deco” eksperimentlər etmək arzusu ilə eleqantlığın vəhdətini açıqlayır.

“Love in Verona” kolleksiyasının zərifliyi, “Flower Princess” kolleksiyasının fantaziyası, “Art Deco” üslubunun ciddiliyi və “Venetian Princess” kolleksiyasının sirri Bakı şəhərinin zənginliyi və çoxşaxəliliyi ilə vəhdət təşkil edir. Azərbaycan memarlığı “Roberto Coin” zinət əşyalarının daşıdığı ideya və düşüncələri əks etdirirdi. Sehrli dəyişiklik baş verdi: paytaxt Bakı şəhərinin arxitektur ornamentlərinin simmetriyası boyunbağıda əks olundu, flora aləmindən ilhamlanan mürəkkəb çiçək naxışları incə sırğa motivlərinə keçdi və balkon fasadlarının “sınıq” həndəsəsi isə üzüklərin mücərrəd həndəsəsinə çevrildi.

Memarlıq elementləri mədəniyyəti təmsil etsə də, şəhərlər haqqında daha çox danışan insanlardır: Bakının özünəməxsusluğu özünü onun sakinlərində, italyan ustasını kolleksiyalar yaratmağa ruhlandıran qadınlarda büruzə verir. Şəhərin ruhu Roberto Koinin ilham pərilərinin ruh yüksəkliyi, romantikası və xarakterinin gücü ilə vəhdət təşkil edir.

Hər bir qəhrəmanın öz ilham mənbəyi var. Məsələn, “Love in Verona” kolleksiyasının qəhrəmanı İlya Əliyeva üçün bu, kulinariyadır. İlya kulinariya rubrikaları yazır və Azərbaycan mətbəxini dünyada təmsil edirdi. Hazırda öz işinə sadiq qalan bu ilham pərisi bütün şübhə və tərəddüdləri geridə buraxaraq, kulinariya üzrə ustad dərsləri təşkil edən studiya açıb.

“Flower Princess” kolleksiyasının ilham pərisi Mira isə hələ 21 yaşında olan zaman bütün ailə üzvlərinin iradəsinə və cəmiyyətin qınağına baxmayaraq, arzusunun ardınca getdi və DJ-lik öyrənməyə başladı. İndi onun 25 yaşı var və o, səhnəyə qalxır, qulaqlıqlarını taxır və başqalarına musiqi təqdim edərək, həm özünü, həm də ətrafdakı insanları sevindirir.

“Art Deco” kolleksiyasının qəhrəmanı Aysu Mirzəzadə öz dünyagörüşünü saxsı qab-qacaq üzərinə köçürülən sənət vasitəsi ilə ifadə edir. Aysunun yaratdığı əşyalar onlara toxunan insanları ruhlandırır. İlham pərisi özü isə əminliklə deyir ki: “- Sevgi olmadan, heç nə etmək mümkün deyil və məhz sevgi bizi daim hərəkətdə olmağa sövq edir”.

“Venetian Princess” kolleksiyasının ilham pərisi isə geyim və aksessuarlar üzrə dizayner Aysel Sadıqovadır və o, minimalizm, yüksək keyfiyyət və təmiz formalara üstünlük verir. Bütün bunlar onun öz brendini açmasına səbəb oldu və bir vaxt sadəcə 30 santimetr parça üçün pulu olan qız indi məqsədinə çataraq studiya sahibi olub.

“The Architecture of Jewellery” filminin təqdimatından sonra baş rolları ifa edən qəhrəmanlar, yəni Roberto Koinin ilham pəriləri - İlya Əliyeva, Aysel Sadıqova və Aysu Mirzəzadə ilə ictimai söhbət təşkil olundu. Gecənin sonunda caz ifaçısı Rilayə Hüseynzadə öz eksklüziv proqramı ilə çıxış etdi.

Layihə haqqında daha ətraflı məlumat üçün keçid: https://italdizain.az/khamsaproject/

Reklam hüququnda

Paylaş:
99

Son xəbərlər

Hərbi xidmətə çağırışla bağlı qanun pozuntularına dair araşdırmanın nəticələrini açıqlandıBu gün, 16:098 Martla bağlı unikal hədiyyə: həm qadınları təbrik edin, həm də Qarabağın bərpasına töhfə verin - VİDEOBu gün, 15:58Piyada diqqətsizliyi dəmir yolunda ağır qəzaya səbəb olduBu gün, 15:53Xaqani bağının ətrafında nəqliyyatın hərəkəti məhdudlaşdırılıb - FOTOBu gün, 15:29Azərbaycanda din xadimlərinin ilk dəfə attestasiyasına başlanılıbBu gün, 15:28Qvatemala Prezidenti Azərbaycan dövlət başçısını təbrik edibBu gün, 15:19Azərbaycan və Türkiyə arasında qarşılıqlı investisiya qoyuluşu imkanları müzakirə edilibBu gün, 15:06Azərbaycan Prezidenti Pakistanın Baş nazirini təbrik edibBu gün, 14:53Piyadanı vurub hadisə yerindən qaçdı, axtarışlar davam edirBu gün, 14:44AMB Dubay Beynəlxalq Maliyyə Mərkəzi ilə maliyyə xidmətləri sahəsindəki yenilikləri müzakirə edibBu gün, 14:36NİİM Bakı yollarında sıxlığın yaranma saatları və səbəblərini açıqladıBu gün, 14:09Ötən həftə azad edilmiş ərazilərdə 216 mina zərərsizləşdirilibBu gün, 13:55“2020-ci ildə müharibədən sonra Azərbaycanın sülh təşəbbüslərinə Ermənistan müsbət münasibət bildirməyib”Bu gün, 13:44FHN-in Nüvə və Radioloji Fəaliyyətin Tənzimlənməsi üzrə Dövlət Agentliyi DSX-da təlim keçiribBu gün, 13:43Jelyazkov: Bolqarıstan Qara dənizin dibi ilə çəkiləcək elektrik kabeli layihəsinə qoşulmaq niyyətindədirBu gün, 13:20Qobuda sahibsiz itlərin hücum etdiyi azyaşlının vəziyyəti açıqlanıb - YENİLƏNİBBu gün, 12:58“AŞPA-da Azərbaycana qarşı qərəzli və çirkin kampaniya aparılır” – İlham ƏliyevBu gün, 12:54Prezident Bolqarıstan Xalq Məclisinin sədrini qəbul edib - YENİLƏNİBBu gün, 12:46Sabah 15 dərəcəyədək isti olacaq - ProqnozBu gün, 12:432 il əvvəl itkin düşmüş Abşeron rayon sakini qəsdən öldürülməsi müəyyən edilibBu gün, 12:21
Bütün xəbərlər