Azərbaycan və Yaponiya XİN-ləri arasında siyasi məsləhətləşmələr keçirilib | 1news.az | Xəbərlər
Siyasət

Azərbaycan və Yaponiya XİN-ləri arasında siyasi məsləhətləşmələr keçirilib

10:28 - 24 / 05 / 2024
Azərbaycan və Yaponiya XİN-ləri arasında siyasi məsləhətləşmələr keçirilib

Azərbaycan və Yaponiya Xarici İşlər nazirlikləri arasında siyasi məsləhətləşmələrin növbəti raundu keçirilib.

1news.az xəbər verir ki, bu barədə Azərbaycan XİN məlumat yayıb.

Bildirilib ki, mayın 20-24-də Azərbaycanın xarici işlər nazirinin müavini Elnur Məmmədov Yaponiyaya səfər edib. Səfər çərçivəsində iki ölkənin XİN rəhbərlərinin siyasi məsləhətləşmələrinin növbəti raundu keçirilib. Siyasi məsləhətləşmələrə Azərbaycan tərəfindən xarici işlər nazirinin müavini Elnur Məmmədov, qarşı tərəfdən isə Yaponiya xarici işlər nazirinin köməkçisinin müavini, Yaponiya Xarici İşlər Nazirliyinin Mərkəzi Asiya, Qafqaz və GUAM üzrə xüsusi nümayəndəsi, səfir Masaki İkeqami rəhbərlik edib.

Siyasi məsləhətləşmələr zamanı ticari-iqtisadi, turizm, energetika, regionlararası əməkdaşlıq, humanitar və digər sahələrdə əməkdaşlığın hazırkı vəziyyəti və perspektivləri müzakirə olunub. İki ölkə arasında mühüm neft və qaz layihələrində əməkdaşlıq müsbət dəyərləndirilib, hər iki ölkənin yaşıl enerjinin istismarı yönündə hədəfləri nəzərə alınmaqla, bu sahədə birgə fəaliyyət perspektivləri nəzərdən keçirilib. Yapon şirkətləri “ağıllı şəhər”, “ağıllı kənd”, o cümlədən “Yaşıl Enerji Zonaları” konsepsiyalarının həyata keçirilməsində yaxından iştirak etməyə dəvət olunub.

Bundan başqa, ölkənin ərazisindən keçən nəqliyyat dəhlizləri, xüsusən də Şərq-Qərb Beynəlxalq Nəqliyyat Dəhlizi barədə müzakirələr aparılıb.

Bundan başqa, səfər çərçivəsində nazir müavini Elnur Məmmədov ilə Yaponiya Nazirlər Kabinetinin baş katibinin müavini Hideki Muray, Yaponiya Beynəlxalq Münasibətlər İnstitutunun (JIIA) Prezidenti səfir Keniçiro Sasae və Yaponiya-Azərbaycan İqtisadi Komitəsinin rəhbəri, ITOCHU şirkətinin xarici əlaqələr üzrə vitse nümayəndəsi Masahiro İmai, həmçinin Yaponiya-Azərbaycan Parlamentlərarası Dostluq qrupunun sədri Akira Amari və Yaponiya xarici işlər nazirinin parlament üzrə müavini Yoiçi Fukazava arasında görüşlər keçirilib, ikitərəfli münasibətlərin gedişatı və gələcək təfədaşlıq imkanları barədə müzakirələr aparılıb.

Qarşı tərəf Azərbaycan-Ermənistan münasibətlərinin normallaşması prosesi, işğaldan azad olunmuş ərazilərdə aparılan bərpa və quruculuq işləri barədə məlumatlandırılıb. Həmçinin, nazir müavini Elnur Məmmədov görüşlər zamanı Yaponiya tərəfinə BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına (COP29) Sədrliyi çərçivəsində Azərbaycanın fəaliyyəti barədə məlumat verib və Yaponiya xarici işlər nazirinin parlament üzrə müavini Yoiçi Fukazavaya Azərbaycan Respublikasının Prezidenti İlham Əliyev tərəfindən cari il noyabrın 12-13-də COP29-a start verəcək İqlim Fəaliyyəti üzrə Dünya Liderlərinin Sammitində iştirak ilə bağlı Yaponiyanın Baş naziri Fumio Kişidaya ünvanlanmış dəvət məktubunu təqdim edib.

Paylaş:
154

Son xəbərlər

Azərbaycanın IV Könüllü Milli Hesabatı BMT-yə təqdim edilibBu gün, 13:43Masallıda doğuma girən 17 yaşlı gəncin körpəsi öldü - Araşdırma aparılırBu gün, 13:27İndiyədək qan verən şəxslərin sayı açıqlanıbBu gün, 13:15XƏBƏRDARLIQ: Bəzi çaylardan sel keçəcəkBu gün, 13:12Azərin “bozqurd“ işarəsi göstərdi, Ərdoğan reaksiya verdiBu gün, 12:38Sabahın havası açıqladıBu gün, 12:34ASCO tankerləri bu ilin 6 ayında nə qədər yük daşıyıb?Bu gün, 12:15Zakir Həsənov Qazaxıstana səfər edib - FOTO - VİDEOBu gün, 12:13“YAŞAT” Fondu şəhid övladları üçün Antalyada düşərgə reallaşdırır - FOTOBu gün, 12:00Psixoloq: “Valideynlər istəyirlər ki, uşaqların başı səhərdən axşama kimi kitabdan qalxmasın, amma...” - XƏBƏRDARLIQBu gün, 11:29İcbari tibbi sığorta ilə 182 000-dən artıq doğuş aparılıbBu gün, 11:06NİİM-dən qəza zamanı avtomobili saxlayıb çəkiliş edənlərə ÇAĞIRIŞBu gün, 11:03Bu il ADY-yə məxsus qatarlara 25 dəfə daş atılıbBu gün, 10:49Visa ABB-nin layihələrini mükafatlandırdıBu gün, 10:45“Qarabağ” bu gün Avstriyada 2 oyun keçirəcəkBu gün, 10:3722,4 min nəfərə proaktiv pensiya təyinatı aparılıbBu gün, 10:31Qanunsuz balıq ovu ilə məşğul olan şəxs saxlanılıbBu gün, 10:29Azərbaycanın ornitoloji turizm imkanları “Global Bird Fair” sərgisində tanıdılıb - FOTOBu gün, 10:25“Tiffany & co.” yeni yüksək zərgərlik kolleksiyasını Monakoda təqdim etdi - FOTOBu gün, 10:23ABŞ Dövlət Departamenti: Azərbaycan və Ermənistan Vaşinqton görüşündə irəliləyiş əldə edibBu gün, 09:55
Bütün xəbərlər