Azərbaycan səfiri etimadnaməsini Trinidad və Tobaqo Prezidentinə təqdim edib
![Azərbaycan səfiri etimadnaməsini Trinidad və Tobaqo Prezidentinə təqdim edib](/images/2024/06/07/20240607105000418/thumb.jpg?2024-06-07+10%3A55%3A33)
Azərbaycanın iqamətgahı Braziliya şəhərində olmaqla, Trinidad və Tobaqodakı səfiri Rəşad Novruz etimadnaməsini bu ölkənin Prezidenti Kristin Karla Kanqaluya təqdim edib.
1news.az xəbər verir ki, görüş çərçivəsində ölkələrimiz arasında münasibətlərin inkişafında hər iki tərəfin maraqlı olduğu qeyd edilmiş və bu istiqamətdə mövcud perspektivlər ətrafında fikir mübadiləsi aparılıb.
Səfir R.Novruz daha sonra ölkə Parlamentində Senatın sədri Naycl de Freitas və Nümayəndələr Palatasının sədri Bricit Annisette-Corc tərəfindən qəbul edilmişdir. Görüşdə iki ölkə arasında parlamentlərarası əlaqələr müzakirə edilib.
R.Novruz həmçinin, səfər çərçivəsində ölkənin xarici və CARİCOM işləri naziri, ticarət və sənaye naziri ilə, o cümlədən Enerji və Energetika Sənayesi Nazirliyində görüşlər keçirib. Görüşlərdə iki ölkə arasında müvafiq sahələr üzrə qarşılıqlı maraq doğuran məsələlər ətrafında fikir mübadiləsi aparılmış, mümkün əməkdaşlıq perspektivləri nəzərdən keçirilib.