Suriyada son vəziyyət: Hama vilayətinə nəzarət edən rejimə qarşı qruplar Homs istiqamətində irəliləyir
Suriyada Heyət Təhrir əş-Şam (HTŞ) liderliyindəki rejimə qarşı qüvvələr irəliləməyə davam edir.
1news.az Anadolu Agentliyinə istinadən xəbər verir ki, 27 noyabrdan Hama şəhərini ələ keçirən qruplar, indi Homs vilayətində irəliləyir.
Bu gün Homs vilayətinin qapısı sayılan Rastan və Təlbisə rayonları da nəzarətə götürülüb. Hər iki rayon strateji əhəmiyyətə malik M5 magistral yolu üzərində yerləşir.
Suriyada son vəziyyət
30 noyabrda Hələbin böyük hissəsini və İdlibi nəzarətə alan qruplar, 5 dekabrda Hamanı azad edib. 1 dekabrda isə Suriya Milli Ordusu PKK/YPG-yə qarşı başladığı əməliyyatla Təl-Rıfatı terrorçulardan təmizləyib.
Rejim əleyhdarı qüvvələrin irəliləyişi Suriyada yeni güc balansının yaranmasına səbəb ola bilər.
283
