Aşurada qan vermək istəyənlərin diqqətinə!
“Bildiyiniz kimi, pandemiya ilə əlaqədar məscidlər işləmir”.
1news.az xəbər verir ki, bunu Nazirlər Kabineti yanında Operativ Qərargahın brifinqində Tibbi Ərazi Bölmələrinin İdarəetmə Birliyinin (TƏBİB) Mikrobiologiya İşçi Qrupunun rəhbəri Qumral Ələkbərova deyib.
Onun sözlərinə görə, əvvəllər Aşura günü məscidlərdə də qanvermə aksiyası təşkil olunurdu: “Ancaq bu il vətəndaşlar Mərkəzi Qan Bankında Hemotologiya və Transfiziologiya Mərkəzinə yaxınlaşaraq qan verə biləcəklər. Biz bunu Qafqaz Müsəlmanları İdarəsi ilə də müzakirə edirik".
Q.Ələkbərova bildirib ki, vətəndaşlar bütün sosial məsafə qaydalarına riayət edərək, maska taxaraq qanvermə aksiyalarında iştirak edə bilər: "Milli Hematologiya və Transfuziologiya Mərkəzinində bununla bağlı şöbələr ayrılacaq və burada qanvermə aksiyaları keçiriləcək".
1news.az
