1news.az

Avropa Liqasında yarımfinal mərhələsi başlayır

15 Avqust saat 19:03 ~ 1 dəqiqəlik oxu 4510
Avropa Liqasında yarımfinal mərhələsi başlayır

Avropa Liqasında yarımfinal mərhələsi start götürür.

1news.az-ın Apasport.az-a istinadən verdiyi xəbərə görə, avqustun 16-17-də final yolunda son iki oyun keçiriləcək.

Almaniyada baş tutacaq qarşılaşmaların ardından avqustun 21-də Kölndə keçiriləcək həlledici qarşılaşmanın iştirakçıları müəyyənləşəcək.

İlk olaraq meydana "Sevilya" ilə "Mançester Yunayted" çıxacaq. 5 ay yarımdır məğlubiyyət üzü görməyən və son 8 görüşün 7-də qələbə qazanan "Sevilya" turnirin ən stajlı komandası sayılır. Ancaq "Mançester Yunayted"in də son 7 ayda passivində cəmi 1 yenilginin olduğunu unutmayaq. Əla formada olan iki komandanın dueli gərgin mübarizə vəd edir.

Digər cütlükdə "İnter" Donetsk "Şaxtyor"unu sınağa çəkəcək. Son 10 matçda uduzmayan və bunun 7-də qələbə qazanan italyanlar cütlüyün favoritidir. Ancaq martdan bəri rəqiblərinə boyun əyməyən "Şaxtyor" bu mərhələyə qədər gəlməyin təsadüf olmadığını sübut etməyə çalışacaq.

Avropa Liqası
Yarımfinal

16 avqust

23:00. "Sevilya" (İspaniya) - "Mançester Yunayted" (İngiltərə)
Baş hakim: 
Feliks Brix (Almaniya)
Köln stadionu

17 avqust

23:00. "İnter" (İtaliya) - "Şaxtyor" (Donetsk, Ukrayna)
Baş hakim: 
Şimon Marçinyak (Polşa)
"Düsseldorf Arena"

1news.az

OXUCULARIN SEÇİMİ
REDAKSİYANIN SEÇİMİ
Futbol BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net