1news.az

Azərbaycan və İran KİV-ləri arasında əlaqələrin genişləndirilməsinin əhəmiyyətindən danışılıb - VİDEO

27 Oktyabr saat 16:58 ~ 1 dəqiqəlik oxu 1510
Azərbaycan və İran KİV-ləri arasında əlaqələrin genişləndirilməsinin əhəmiyyətindən danışılıb - VİDEO

Oktyabrın 27-də İran İslam Respublikasının Azərbaycan Respublikasında yeni təyin olunan səfiri Seyid Abbas Müsəvi ilə AZƏRTAC-da keçirilən görüşdə iki ölkənin media qurumları arasında əlaqələrin daha da genişləndirilməsinin əhəmiyyətindən danışılıb.

Diqqətə çatdırılıb ki, hər iki ölkənin prezidentlərinin səyləri sayəsində qarşılıqlı əlaqələrimiz inkişaf edir. Həmçinin Azərbaycanın və İranın media qurumları da sıx əməkdaşlıq edirlər.

Bildirilib ki, AZƏRTAC İranın İRNA və Mehr agentlikləri, eləcə də digər mətbu orqanları ilə qarşılıqlı informasiya mübadiləsi aparır. Asiya və Sakit Okean Ölkələri İnformasiya Agentlikləri Təşkilatına (OANA) sədrliyi dövründə AZƏRTAC-ın dəstəyi ilə bu qurumun İcraiyyə Komitəsinin 43-cü iclası Tehranda keçirilib.

Görüşdə iki ölkənin KİV-ləri arasında əlaqələri genişləndirmək məqsədilə jurnalistlərin qarşılıqlı səfərlərinin təşkili, birgə tədbir və treninqlərin keçirilməsinin zəruriliyi vurğulanıb.

AZƏRTAC

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net