1news.az

Bakıda keçirilən futbol matçında dava: oyunçular hakimi döydülər – VİDEO

29 Yanvar saat 10:18 ~ 1 dəqiqəlik oxu 270
Bakıda keçirilən futbol matçında dava: oyunçular hakimi döydülər – VİDEO

Bakıda MFL-in (Mini Futbol Liqası) təşkilatçılığı ilə keçirilən “MFL Carlsberg Biznes Liqası”nın oyununda dava düşüb.

1news.az-ın məlumatına görə, hadisə “Kontakt Home” - “Dənizkənarı Bulvar İdarəsi” komandalarının görüşündə baş verib.

Belə ki, “Dənizkənarı Bulvar İdarəsi” komandasının oyunçusu Oqtay Alxasov iki sarı, ardınca isə qırmızı vərəqə aldığı üçün oyundan kənarlaşdırılıb. Matç başa çatdıqdan sonra Oqtay Alxasov meydana daxil olaraq oyunun hakimi Hacıəli Ağayevi vurub, ona ciddi xəsarətlər yetirib. Baş verən insidentdə “Dənizkənarı Bulvar İdarəsi” komandasından Ceyhun İmaməli də iştirak edib.

MFL-in İntizam Komitəsi dərhal baş verən insidentlə bağlı araşdırma apararaq “Kontakt Home” - “Dənizkənarı Bulvar İdarəsi” oyunu ilə bağlı xüsusi qərar çıxarıb. Qərara əsasən, hakimə hücum edən şəxslər - Oqtay Alxasov və Ceyhun İmaməli ömürlük MFL tərəfindən təşkil olunan turnirlərdə iştirakdan məhrum ediliblər, “Dənizkənarı Bulvar İdarəsi” komandasına isə ciddi xəbərdarlıq edilib. Bir daha bu cür insident baş verəcəyi halda komanda Turnirdən kənarlaşdırılacaq.

Eyni zamanda məsələ hüquq-mühafizə orqanları tərəfindən araşdırılacaq və günahkar şəxslər qanunvericiliyin tələblərinə müvafiq olaraq məsuliyyətə cəlb ediləcəklər.

Hazırda insidentlə bağlı araşdırma davam etdirilir.

İnsident baş verən anın videosunu təqdim edirik:

1news.az

OXUCULARIN SEÇİMİ
REDAKSİYANIN SEÇİMİ
Azərbaycan futbolu BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net