1news.az

Belçikada 19 yaşlı azərbaycanlı küçənin ortasında güllələndi

28 Fevral saat 13:22 ~ 1 dəqiqəlik oxu 222
Belçikada 19 yaşlı azərbaycanlı küçənin ortasında güllələndi

Belçikanın Qərbi Flandriya əyalətində, Roselare şəhərində 19 yaşlı azərbaycanlı küçədə güllələnib.

1news.az virtualaz.org-a istinadən bildirir ki, bu barədə fevralın 26-da yerli De Standaard nəşrinə Kortreyk Prokurorluğundan məlumat veriblər.

Məlumata görə, fevralın 25-də saat 21 radələrində şəhərdə silahlı qarşıdurma baş verib, nəticədə 19 yaşlı azərbaycanlı güllə yarası alıb. Hadisə yerinə gələn xilasedicilər ona kömək edə bilməyiblər.

Polis qətli törətməkdə şübhəli bilinən 20 yaşlı şəxsi saxlayıb və fevralın 27-də dindirməyə başlayıb. Prokurorluq məhkəmədən həmin şəxsin həbs olunmasını istəyib. Hadisə yerində müstəntiqlər, habelə tibbi müayinə və odlu silahlar üzrə mütəxəssis çalışır. Öldürülən şəxsin meyitinin yarılacağı bildirilir.

Belçika nəşrinin yazdığına görə, gəncin ölümünün dəqiq səbəbləri hələlik məlum deyil. Prokurorluq istintaq aparıldığını əsas gətirərək azərbaycanlının qətlinin təfərrüatlarını açıqlamır.

1news.az

OXUCULARIN SEÇİMİ
REDAKSİYANIN SEÇİMİ
Dünya BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net