1news.az

Çirkab suları Xəzər dənizinə axıdılır - VİDEO

13 Yanvar saat 14:01 ~ 1 dəqiqəlik oxu 820
Çirkab suları Xəzər dənizinə axıdılır - VİDEO

Bakının Pirşağı qəsəbəsində çirkab sular birbaşa, yəni təmizlənmədən dənizə axıdılır. Sosial platformalarda da artıq bir neçə gündür bu məsələyə diqqət çəkilir.

Sakinlər iddia edirlər ki, bu vəziyyət illərdir davam edir. Məsələ ilə bağlı "Azərsu"dan məlumat verilib ki, ərazidə xüsusi təmizləyici kollektor tikilir və işlər yekunlaşmaq üzrədir.

İçi zibillə dolu üfunətli sular birbaşa dənizə axıdılır. İllərdir davam edən bu mənzərə artıq özünə məcra da yaradıb. Qəsəbə sakinlərinin sözlərinə görə, illərdir burda belə acınacaqlı vəziyyət yaşanır.

Yaxınlıqda yaşayan sakinlər deyirlər ki, çirkab suların iyindən yayda çimərlik ərazisindən heç kim istifadə edə bilmir. Dənizə axıdılan kanalizasiya suları özü ilə birlikdə xəstəlikləri də çimərliyə gətirir.

1news.az xezerxeber.az-a istinadən bildirir ki, sözügedən ərazi ilə bağlı xüsusi layihə var. Layihəyə əsasən, Corat və Novxanı çimərliklərində olduğu kimi çirkab sular təmizləndikdən sonra dənizə axıdılacaq.

"Azərsu" asc-nin rəsmisinin sözlərinə görə, yeni yaradılan sistem ən son tələblərə cavab verəcək. Bununla da ərazinin kanalizasiya və çirkab sularının axıdılması problemi birdəfəlik həll ediləcək.

1news.az

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2021 "The First News" İnformasiya Agentliyi,,
Bütün hüquqlar qorunur
entonee.net