1news.az

Ermənistan Bakıya bu əraziləri də verməlidir - Kuznetsov

27 Noyabr saat 13:19 ~ 1 dəqiqəlik oxu 2140
Ermənistan Bakıya bu əraziləri də verməlidir - Kuznetsov

Həm Sovet İttifaqının dağılması zamanı, həm də ondan öncə Ermənistan ərazisində 4 Azərbaycan eksklavı mövcud olub. Üstəlik, hardasa bir qrup kənd, ayrı yaşayış yerləri və hətta məskunlaşdırılmamış tarixi yerlər də var idi.

1news.az xəbər verir ki, bunu Axar.az-a açıqlamasında rusiyalı qafqazşünas, hərbi ekspert Oleq Kuznetsov deyib.

“İlk ən vacib eksklav Naxçıvan muxtariyyətinin Sədərək bölgəsinin inzibati tabeliyində olan Kərkidir. Daha bir eksklav Ağstafaya, ikisi isə Qazaxa tabe idi. Eksklavların ümumi sahəsi 1989-cu ildə təxminən 80 kvadrat kilometr təşkil edib. Bu, kifayət qədər geniş ərazidir. Zamanında oradan bir neçə min azərbaycanlı çıxarılıb. İki eksklavın adını orada yaşayan ermənilər dəyişdirib. Bu ərazilər rəsmi Bakının nəzarətinə qayıtmadan Azərbaycanın ərazi bütövlüyünün bərpası yüz faiz tamamlanmış hesab edilə bilməz”, - o vurğulayıb.

Ekspert Kərki eksklavının bir neçə nəqliyyat marşrutunun kəsişməsində yerləşdiyini və məhsuldar əkinçilik torpaqlarına sahib olduğunu xatırladıb: “Əlbəttə ki, bu məsələ Azərbaycan Respublikasının ərazi bütövlüyünün bərpası prosesi başa çatdıqdan sonra Azərbaycanla Ermənistan arasında danışıqların mövzusu olacaq”.

1news.az

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2021 "The First News" İnformasiya Agentliyi,,
Bütün hüquqlar qorunur
entonee.net