1news.az

“Gazelli Group” Koronavirusla Mübarizəyə Dəstək Fonduna 200 min manat məbləğində vəsait köçürür

23 Mart saat 18:00 ~ 1 dəqiqəlik oxu 2530
“Gazelli Group” Koronavirusla Mübarizəyə Dəstək Fonduna 200 min manat məbləğində vəsait köçürür

"Gazelli Group" şirkəti  Azərbaycan Respublikasının Prezidenti İlham Əliyevin təşəbbüsünü dəstəkləyərək koronavirusla mübarizəyə dəstək kampaniyasına qoşulub.

Şirkət dövlət başçısının 19 mart 2020-ci il tarixli fərmanına əsasən yaradılmış Koronavirusla Mübarizəyə Dəstək Fonduna 200 000 AZN məbləğində vəsait köçürür.

Korporativ sosial məsuliyyət strategiyasına uyğun olaraq, "Gazelli Group" şirkəti koronavirus pandemiyasının (COVID-19) yayılmasının qarşısının alınması və dövlətə mənfi təsirinin məhdudlaşdırılması üzrə tədbirləri dəstəkləyir.

Şirkətin daxili siyasəti, əhalinin sağlamlığının qorunması üçün hökumətin həyata keçirdiyi ardıcıl və hərtərəfli tədbirləri dəstəkləyir, həmçinin bu günlərdə bir araya gələn və ehtiyat qaydalarına əməl edən bütün vətəndaşlara təşəkkürünü bildirir.

"Gazelli Group" şirkəti ölkənin vətəndaşlarını ÜST tövsiyələrinə riayət etməyə - əlləri tez-tez yumağa və antiseptik maddələrdən istifadə etməyə, digər şəxslərlə fiziki təmasları minimuma endirməyə və insanların sıx toplaşdığı yerlərdə olmamağa çağırır.

1news.az

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net