1news.az

İcbari tibbi sığorta üzrə fərdi uçotun aparılması qaydası müəyyənləşib

21 Oktyabr saat 17:12 ~ 2 dəqiqəlik oxu 1450
İcbari tibbi sığorta üzrə fərdi uçotun aparılması qaydası müəyyənləşib

Sığortaolunanların fərdi uçotunun aparılması Qaydası” təsdiqlənib.

Nazirlər Kabinetinin mətbuat xidmətindən 1news.az-a verilən məlumata görə, qaydaya əsasən, icbari tibbi sığorta üzrə sığortaolunanların fərdi uçotu fərdi identifikasiya nömrəsinə (FİN) əsasən İcbari Tibbi Sığorta üzrə Dövlət Agentliyinin elektron informasiya sistemində aparılır.

Fərdi uçot icbari tibbi sığorta üzrə hər bir sığortaolunan haqqında məlumatların uçotunun təşkili və aparılmasıdır. Sığortaolunan isə sağlamlığı icbari və ya könüllü qaydada sığortalanmış fiziki şəxslərdir. Sığortaolunanların fərdi uçotu Elektron Hökumət İnformasiya Sistemi (EHİS) vasitəsilə Agentliyin elektron informasiya sisteminə ötürülməsi yolu ilə həyata keçirilir.

Sığortaolunanın fərdi uçot məlumatlarına əlçatanlığının təmin edilməsi məqsədilə Agentlik sığortaolunanın fərdi şəxsi hesabını yaradır və Vahid Giriş Sistemi (“Asan Login”) vasitəsilə şəxsi hesaba giriş imkanlarını təmin edir.

Fərdi uçotun aparılması zamanı sığortaolunana dair şəxsiyyətini təsdiq edən sənədin tipi, seriyası, nömrəsi, fərdi identifikasiya nömrəsi (FİN), vətəndaşlığı, adı, soyadı, atasının adı, doğulduğu tarix, cinsi, qan qrupu, yaşadığı ünvan, işlədiyi müəssisənin ünvanı, işçinin işə başlama tarixi, işçinin işdən çıxma tarixi, pensiyaçının məşğulluq vəziyyəti, vergi ödəyicisinin eyniləşdirmə nömrəsi (VÖEN), qeydiyyat ünvanı, fəaliyyət ünvanı, ananın fərdi identifikasiya nömrəsi (FİN), ölüm tarixi, ölüm haqqında sənədin verilməsi tarixi, doğuşun baş verdiyi tarix kimi məlumatlar toplanılır.

Fərdi uçot hər bir şəxsin sığortaolunan kimi indentifikasiyası və icbari tibbi sığorta çərçivəsində göstərilən xidmətlərdən istifadə hüququnun təmin edilməsi məqsədilə aparılır. Sığortaolunanların fərdi məlumatları əsasında onlara dair ödənilmiş və hesablanmış sığorta haqları, sığorta ödənişlərinin məbləğləri, ödənilməli olan sığorta haqları, icbari tibbi sığorta şəhadətnaməsi barədə məlumat fərdi şəxsi hesablarında toplanılır.

Qafar Ağayev

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net