1news.az

İlham Əliyev: Ermənistan beynəlxalq arenada bütün dayaqlarını itirməkdədir

13 İyul saat 14:47 ~ 1 dəqiqəlik oxu 1760
İlham Əliyev: Ermənistan beynəlxalq arenada bütün dayaqlarını itirməkdədir

Beynəlxalq arenada Ermənistan demək olar ki, bütün dayaqlarını itirməkdədir. Daxili vəziyyət kifayət qədər gərgindir. Vəd olunan dırnaqarası çiçəklənmə, artıq hər kəs tərəfindən başa düşülür ki, bu, xülyadır, bu, yalandır.

1news.az-ın verdiyi xəbərə görə,Təhlükəsizlik Şurasının iclasındakı çıxışında Prezident İlham Əliyev Ermənistandakı mövcud vəziyyətdən danışaraq işğalçı ölkənin rəsmi orqanlarının dünənki hadisə ilə bağlı açıqladığı məlumatı yalanın növbəti əlaməti adlandırıb.

“Bu məlumatda onlar məsuliyyəti Azərbaycanın üzərinə yıxmaq istəyirlər. Halbuki buna heç bir əsas yoxdur və bir daha demək istəyirəm ki, - bütün müstəqil ekspertlər bunu təsdiq edə bilər, - heç bir əsas olmadan bizim hərbi postumuza artilleriya zərbəsi endirilib. Məhz bunun nəticəsində bizim hərbçilərimiz həlak olub. Onların gücü ona çatır ki, ancaq mülki əhalini atəşə tutsunlar, ya da ki, qəflətən bizim hərbi postumuza atəş açsınlar. Bunu da onlar etdilər və bir daha öz çirkin və məkrli mahiyyətlərini ortaya qoydular”, - deyə dövlətimizin başçısı qeyd edib.

S.Xankişiyeva

 

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net