Konstitusiya Məhkəməsi sədrinin və hakimlərinin maaşı artırılıb | 1news.az | Xəbərlər
Rəsmi

Konstitusiya Məhkəməsi sədrinin və hakimlərinin maaşı artırılıb

16:33 - 18 / 04 / 2019
Konstitusiya Məhkəməsi sədrinin və hakimlərinin maaşı artırılıb

Azərbaycan Prezident İlham Əliyev “Konstitusiya Məhkəməsi haqqında” qanunda dəyişiklik edilməsi barədə qanunu imzalayıb.

1news.az-ın dövlət başçısının rəsmi saytına istinadla verdiyi xəbərə görə, bu, Konstitusiya Məhkəməsinin hakimlərinin sosial müdafiəsinin gücləndirilməsi ilə bağlıdır.

“Konstitusiya Məhkəməsi haqqında” qanunun 71-ci (Konstitusiya Məhkəməsi hakiminin əmək haqqı) maddəsinin 2-ci bəndi yeni redaksiyada verilib:

“Konstitusiya Məhkəməsi sədrinin aylıq vəzifə maaşı Milli Məclis sədrinin aylıq vəzifə maaşına (2 475) bərabərdir.

İndiyədək isə bənd belə idi:

 “Konstitusiya Məhkəməsi sədrinin aylıq vəzifə maaşı 2 335 manatdır”.

Qanunun 73-cü (Konstitusiya Məhkəməsi hakiminin başqa təminatları) maddəsinə də dəyişiklik olunub.

Əlavəyə əsasən, Konstitusiya Məhkəməsinin hakiminə bir aylıq vəzifə maaşı həcmində vəzifə maaşına əlavə ödənilir.

S.Xankişiyeva

 

Paylaş:
642

Son xəbərlər

Bütün xəbərlər