MSK Hacı Qalibin oğlunun lider olduğu dairə ilə bağlı qərar verdi
Mərkəzi Seçki Komissiyasının(MSK) bu gün keçirilən iclasında fevralın 9-da Milli Məclisə keçirilən seçkilərlə əlaqədar 27 saylı Sabunçu ikinci seçki dairəsi ilə bağlı daxil olan şikayətə baxılıb.
1news.az xəbər verir ki, həmin dairədən deputatlığa namizəd Gülməmməd Abdullazadə MSK-ya müraciət edərək seçki günü həmin dairədə seçkilər zamanı qanun pozuntularına yol verildiyini bildirib. MSK üzvü Qabil Orucov bildirib ki, MSK tərəfindən aparılan geniş araşdırma zamanı iddia edilən pozuntular yalnız 34 saylı seçki məntəqəsində öz təsdiqini tapıb. Q.Orucov həmin seçki məntəqəsi üzrə səsvermənin nəticələrinin ləğv edilməsini təklif edib.
Təklif səsə qoyularaq qəbul edilib.
Xatırladaq ki, 27 saylı Sabunçu ikinci seçki dairəsi 57.6 % səslə lider Salahzadə Əliabbas Qalib oğludu. Əliabbas Salahzadə eks-deputat Qalib Salahzadənin (Hacı Qalib) oğludur.
Qafar Ağayev
