1news.az

“Qələbə Azərbaycanın olacaq, biz öz ərazilərimizi qaytaracağıq” - Rus icmasının sədri - FOTO

31 Oktyabr saat 17:19 ~ 1 dəqiqəlik oxu 1500
“Qələbə Azərbaycanın olacaq, biz öz ərazilərimizi qaytaracağıq” - Rus icmasının sədri - FOTO

“Qələbə Azərbaycanın olacaq, biz öz ərazilərimizi qaytaracağıq”.

1news.az Trend-ə istinadən bildirir ki, bunu Milli Məclisin deputatı, Azərbaycan Rus icmasının sədri Mixail Zabelin "Qarabağ Azərbaycandır!" şüarı ilə keçirilən avtoyürüş zamanı deyib.

O bildirib ki, son illər ərzində Azərbaycan rəhbərliyi yüksək səviyyədə müxtəlif dövlətlərin rəhbərləri ilə görüşlər keçirib, ölkədə humanitar və regionlararası forumlar keçirilib və bütün bunlar Azərbaycanın münaqişə ilə bağlı mövqeyinin aydınlaşdırılmasına böyük töhfə verib. Azərbaycan Dağlıq Qarabağ münaqişəsinin beynəlxalq hüquq əsasında həllini tələb edir:

"İndi bizim Silahlı Qüvvələrimiz Azərbaycanın işğal olunmuş ərazilərini azad edir, biz tezliklə ölkəmizin ərazi bütövlüyünü bərpa edəcəyik, qaçqın və məcburi köçkünlər öz evlərinə qayıdacaqlar".

M.Zabelin əlavə edib ki, Azərbaycan, Türkiyə və Rusiya müharibədən sonrakı dövrdə regionda siyasi və iqtisadi sabitliyin təmin olunmasında vacib rol oynayacaq:

"Prezidentimiz dəfələrlə qeyd edib ki, ölkəmiz özünü təmin edə bilən ölkədir və ordumuz texniki və peşəkar baxımdan əla təchiz olunub. Birinci Qarabağ müharibəsində həlak olmuş 6 Milli Qəhrəmanımız rus əsillidir. Rus millətindən olan vətədndaşlar bu gün azərbaycanlılarla çiyin-çiyinə ərazilərin müdafiəsinə qalxıb. Qələbə Azərbaycanın olacaq və biz öz ərazilərimizi qaytaracağıq".

1news.az

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net