1news.az

Rusiyalı həkim: Azərbaycanda reanimasiya şöbələrinin təchizat səviyyəsi heyranlıq doğurur

11 İyul saat 15:54 ~ 2 dəqiqəlik oxu 3280
Rusiyalı həkim: Azərbaycanda reanimasiya şöbələrinin təchizat səviyyəsi heyranlıq doğurur

Azərbaycanda reanimasiya şöbələrinin təchizat səviyyəsi heyranlıq doğurur.

1news.az-ın verdiyi xəbərə görə, bunu rusiyalı həkim-pulmonoloq Aleksandr Averyanov Azərbaycan Dövlət Televiziyasının (AzTV) “Hədəf” verilişində deyib.

O bildirib ki, Azərbaycanın səhiyyə sistemi və ölkədəki mütəxəssislərin hazırlığı onda xoş təəssürat yaradıb:

"Biz bir neçə klinikada olduq. Anladığım qədəri ilə bu ayrı-ayrı klinikalar idi və deyərdim ki, ən elit və ya ən öndə gedən klinikalar deyildi. Adi, sıravi xəstəxanalar idi. Bu xəstəxanaların reanimasiya şöbəsinin təchiz olunması yüksək səviyyədə və tərifəlayiq idi. Dünənki klinikalardan birindəki təcrübəmi qeyd etmək istəyirəm. Biz dedik ki, bizim yüksək göstəricili oksigen qurğusuna ehtiyacımız var. Bu qurğu oksigeni 60 litrə qədər tənzimləyə bilir və bununla da xəstənin ciyərlərini süni ventilyasiya edilməsindən qaçırtmaq olar. Bu gün isə ağır bir xəstənin müayinəsi üçün həmin xəstəxanaya geri döndük və yüksək göstəricili oksigen qurğusu artıq var idi".

A.Averyanov vurğulayıb ki, eyni məsələ dərmanlara da aiddir: "Biz bilirik ki, Rusiyada koronavirusun müalicəsi üçün favipiravir preparatının istehsalı başlayıb. Amma bizə o, hələ çatmayıb. Siz təsəvvür edin, dünən biz Saransk istehsalı olan o dərmanı gözümüzlə gördük. Azərbaycanda bu dərman var, amma Moskvada, öz klinikamızda, nümayəndə heyətimizin üzvlərinin təmsil etdiyi digər klinikalarda isə yoxdur. Mən hətta bilrəm ki, 2015-ci ildə Ebola qızdırmasının müalicəsi üçün istifadə olunan erindozevir preparatının tədarükü ilə bağlı müqavilə imzalanıb və hazırda Azərbaycana gətirilir. Bu preparat reanimasiya şöbələrində ağır xəstələr üçün nəzərdə tutulub. Bunu yalnız arzulamaq olar. Məsələn, Avropada bu preparat hələ də yoxdur".

S.Xankişiyeva

 

 

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net