1news.az

Şagirdlər üçün yeni ehtiyat dərsliklər hazırlanır

12 İyul saat 12:53 ~ 1 dəqiqəlik oxu 203
Şagirdlər üçün yeni ehtiyat dərsliklər hazırlanır

Tədris yükünün optimallaşdırılması istiqamətində müxtəlif təşəbbüslər və tədbirlər həyata keçirilir. Bunların sırasında 2018-2019-cu  tədris ilində olan yeniliklərdən biri təhsil sistemində məktəbdaxili qiymətləndirmələrin sayının azalması həyata keçirilib.

1news.az xəbər verir ki, bunu jurnalistlərə açıqlamasında təhsil naziri Ceyhun Bayramov deyib. Onun sözlərinə görə, Təhsil Nazirliyinin kollegiyası tərəfindən böyük summativ qiymətləndirmələrin sayında,  siniflər arasında bölgülərdə əhəmiyyətli şəkildə  azalma olub. “Hesab edirik ki, bu, məktəbdaxili ümumi dərs yükü həcminə müsbət təsir edir.

Eyni zamanda  ibtidai siniflərdə bir sıra əsas fənn dərsliklərinin - Ana dili, riyaziyyat və xarici dil dərsliklərinin yeni ehtiyat dərslik formatında hazırlanması istiqamətində işlərə başlanılıb. Artıq bir ildir ki, həmin dərsliklər Azərbaycanın 100 məktəbində sınaqdan keçirilir. Həmin dərsliklər sınaqdan keçirilən zaman hər bir bölmə başa çatandan sonra həmin məktəblərin mütəxəssisləri, ölkədə bu sahədə fəaliyyət göstərən ekspertlər daim dəyirmi masalar keçirərək dərsliklərin təkmilləşdirilməsinə dair tövsiyələr verirlər. Bu formada təkmilləşdirilmiş dərsliklər yenidən ekspertizaya göndərilir və özünü doğrultduqdan sonra mövcud olan dərslikləri həmin ehtiyat dərsliklərlə əvəz edəcəyik.

Biz ehtiyat dərsliklərin çeşidinin artırılması istiqamətində işləyirik. Növbəti ildən etibarən tədrisi Azərbaycan dilində aparılmayan məktəblər üçün Azərbaycan dili dərsliyi yeni ehtiyat dərslik formatında hazırlanacaq. Həyat bilgisi dərsliyinin də yeni dərslik formatında - alternativ dərslik formatında işlənməsinə başlayacağıq”.

P.Sultanova

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net