Serdar Akyol: Erməni caniləri törətdikləri bütün cinayətlərin hesabını verəcəklər
Türkiyənin Sonnoktahaber.com xəbər portalı və “Ülkem TV”-nin rəhbəri, jurnalist Serdar Akyol dünya birliyini Bərdədə yaşanan faciəyə səssiz qalmamağa, Ermənistanın bu vəhşiliyini qınamağa çağırış edib.
1news.az xəbər verir ki, Ermənistanın dinc əhaliyə qarşı soyqırımı törətdiyini deyən S.Akyol bu soyqırımında Ermənistanı dəstəkləyənlərin də əlinin olduğunu söyləyib:
“Bütün dünyanın gözləri önündə bir vəhşilik yaşanır. Ermənistan insanlıq, savaş cinayəti törədərək məsum uşaqları, dinc əhalini qətlə yetirərək soyqırım törədir. Tökülən bu qanda ermənilərin bu vəhşiliyinə səssiz qalan, tərəf tutan, “hamımız erməniyik” deyən, onları dəstəkləyən hər kəsin əli var.
“Ermənistan bu cəsarəti hardan alır? Yoxsul Ermənistan bu qədər silah, raketi hansı pulla alır? Bu silahlar necə, hansı yollarla Ermənistana göndərilir?”- deyə sual edən S.Akyolun sözlərinə görə, Ermənistanın belə davranmasının bir səbəbi zamanında törətdikləri Xocalı soyqırımına görə cəzalandırılmamasıdır:
“Amma bu dəfə belə olmayacaq. Erməni caniləri törətdikləri bütün cinayətlərin hesabını verəcəklər.
Azerbaycan, Ermənistan kimi alçaq yollara əl ataraq dinc əhalini hədəf almadan torpaqlarını işğaldan azad edir. Bu gün erməni alçaqlığına səslərini çıxarmayanları, Azərbaycana dəstək verməyənləri də qeydə aldıq. Hər zaman da Azərbaycanın yanında olacağıq, bunu həmişə belə bilsinlər! Qarabağ sonsuza qədər Azərbaycandır!”.
1news.az
