1news.az

Ucqar yaşayış məntəqələrinin alternativ enerji mənbələri ilə təminatı araşdırılır

5 Dekabr saat 13:01 ~ 2 dəqiqəlik oxu 252
Ucqar yaşayış məntəqələrinin alternativ enerji mənbələri ilə təminatı araşdırılır

Alternativ və Bərpa olunan Enerji Mənbələri üzrə Dövlət Agentliyinin (ABEMDA) tabeliyində fəaliyyət göstərən “Azalternativenerji” MMC tərərfindən “Texniki iqtisadi cəhətdən qazlaşdırılması səmərəli olmayan ucqar yaşayış məntəqələrinin alternativ enerji mənbələri ilə təminatı məsələsinin araşdırılması və müvafiq təkliflərin hazırlanması” üzrə layihəsinin icrasına başlanılıb.

1news.az-ın Agentliyin saytına istinadən verdiyi xəbərə görə, Energetika Nazirliyi tərəfindən qeyd olunan layihə  üzrə keçirilən tenderin qalibi və layihənin icraçısı “Azalternativenerji” MMC olub.  Bu səbəbdən 28 noyabr tarixində Bakıda “Fairmont Hotel” də “Azalternativenerji MMC” tərərfindən yeni layihənin ilkin seminarı keçirilib. Seminarda Energetika nazirinin müavini Samir Vəliyev və ABEMDA-nın sədr müavini Cəmil Məlikov çıxış ediblər.

Eləcə də tədbirdə nazirliklərin və digər dövlət və beynəlxalq təşkilatların  nümayyəndləri iştirak ediblər.

Seminarda qazlaşdırılmamış kəndlərin enerji təminatı barədə zəruri məlumatlar verilib  və “Alternativ enerji təchizatı variantları” üzrə icra planları və qrafikləri  müzakirə olunub. Bundan başqa enerji  sahəsində beynəlxalq nüfuza malik Almanyanın “88K” şirkətinin maye qaz sistemlərinin tətbiqi təcrübəsi üzrə təqdimatları baş tutub. Təqdimatlarda şirkətin həll yolları və tədbiqləri üzrə təcrübəsi nümayiş olunub.

Layihənin əsas məqsədi Azərbaycanda kommunal xidmətlərin (elektrik və istilik enerjisi, su və qaz) inkişafına dair Strateji Yol Xəritəsinin Tədbirlər Planına əsasən “4.1.5 Texniki-iqtisadi cəhətdən qazlaşdırılması səmərəli olmayan ucqar yaşayış məntəqələrinin alternativ mənbələrlə enerji təminatının həyata keçirilməsi” prioritetinin reallaşması nəticəsində kəndlərin sosial rifahının yaxşılaşdırılmasıdır.

Layihənin məqsədinin reallaşması üçün bu istiqamətdə problemlərin həlli yollarına dair təkliflərin hazırlanması, alternativ mənbələrlə təminatın həyata keçirilməsi, eləcə də beynəlxalq təcrübənin və ölkədə mövcud vəziyətin araşdırılması bununla bağlı hazırlanmış təklifləri aidiyyatı qurumlara təqdim olunması kimi vəzifələr yerinə yetiriləcək.

1news.az

OXUCULARIN SEÇİMİ
REDAKSİYANIN SEÇİMİ
İqtisadiyyat BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net