ru

Şou-biznes

6 Fevral saat 11:44

“Eurovision- 2019”-da Azərbaycanı Çingiz Mustafayev təmsil edəcək? – FOTO

“Eurovision- 2019”-da Azərbaycanı Çingiz Mustafayev təmsil edəcək? – FOTO

Sosial şəbəkələrdə və bəzi saytlarda “Eurovision- 2019” mahnı müsabiqəsində Azərbaycanı müğənni Çingiz Mustafayevin təmsil edəcəyi barədə məlumatlar yayılıb. 

1news.az-ın verdiyi xəbərə görə, bu barədə informasiyanı ilk dəfə müsabiqənin ölkəmiz üzrə rəsmi fan səhifəsi olan “İNFE Azerbaijan” İnstagram səhifəsində yazıb. Onlar iddia ediblər ki, may ayında İsrailin paytaxtı Təl-Əvivdə keçirilən beynəlxalq layihədə Çingiz Mustafayev yer alacaq. Lakin daha sonra hesab sözügedən xəbəri səhifəsindən silib. Bununla belə bir çox səhifələr və saytlar həmin xəbəri yaymağa imkan tapıblar.

Yarışmanın Azərbaycan üzrə nümayəndə heyətinin rəhbəri Hüsniyə Məhərrəmova “Qafqazinfo”ya məlumatın doğru olmadığını bildirib: “Xəbər qətiyyən doğru deyil. Milli seçim turlarının qalibi hələ bəlli deyil, seçimlər davam edir. İctimai Televiziya milli seçim turlarının qalibini özü rəsmi olaraq ictimaiyyətə təqdim edəcək”.

Çingiz Mustafayev də İnstagram səhifəsində mövzu barədə açıqlama yayaraq “Eurovision”a getməyəcəyini vurğulayıb:

“İctimai TV tərəfindən seçimlərə dəvət almışam və hamı kimi orada çıxış etmişəm. Ondan sonra heç bir məlumatım olmayıb. İTV ilə əlaqə saxladım, onlar məlumatı təsdiqləmədilər. Xahiş edirəm, mənbəyi bilinməyən məlumatları yazıb ortalığı qatmayın”.

1news.az

BÖLMƏDƏ YENİ

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News", İnformasiya Agentliyi
Bütün hüquqlar qorunur