“Jara” iştirakçılarının və qonaqların təhlükəsizliyi daima diqqət mərkəzində olub | 1news.az | Xəbərlər
Mədəniyyət

“Jara” iştirakçılarının və qonaqların təhlükəsizliyi daima diqqət mərkəzində olub

14:25 - 29 / 07 / 2019
“Jara” iştirakçılarının və qonaqların təhlükəsizliyi daima diqqət mərkəzində olub

Xəzər dənizinin sahilindəki ən gözəl istirahət mərkəzlərinin birində - “Sea Breeze Resort”da keçirilən "Jara 2019" Dördüncü Beynəlxalq Musiqi Festivalı başa çatıb.

1news.az-ın AZƏRTAC-a istinadən verdiyi xəbərə görə, bu il festivalda dörd gün ərzində 200-dən çox ifaçı çıxış edib. “Jara-2019” festivalının hazırlıq işlərinə həmişəki kimi təxminən bir il vaxt sərf olunub.

Yeri gəlmişkən qeyd edək ki, festivalın təşkilatçıları müğənni və bəstəkar, Azərbaycanın Xalq artisti Emin Ağalarov, Rusiyanın Əməkdar artisti Qriqori Leps, “Russkoye radio”nun və “Qızıl qrammofon” mükafatının təsisçisi Sergey Kojevnikovdur.

Dörd gün ərzində əsl musiqi bayramı yaşanıb. İştirakçılar etiraf ediblər ki, çox festivalda iştirak etsələr də “Jara” Beynəlxalq Musiqi Festivalı çox yüksək səviyyədə təşkilatçılığı ilə digərlərindən seçilir. Festival çərçivəsində bir çox ünlü sənətçinin yaradıcılıq gecələri də təşkil olunub. İfaçılar öz repertuarlarından hit mahnıları səsləndiriblər.

Tez-tez ölkəmizdə belə möhtəşəm tədbirlərin keçirilməsi həm də təhlükəsizlik, sabitlik baxımından çox böyük önəm daşıyır. Hər bir tədbirdə olduğu kimi, “Jara”da da festival iştirakçılarının və qonaqlarının təhlükəsizliyi daima diqqətdə saxlanılıb. Bu işə cavabdeh qurumlardan biri də Daxili İşlər Nazirliyinin (DİN) Nəqliyyatda Baş Polis İdarəsinin Su Nəqliyyatında Polis İdarəsi olub. Festival Xəzər sahilindəki istirahət mərkəzindən birində təşkil edildiyindən idarənin əməkdaşları üzərinə böyük məsuliyyət düşüb. Hər zaman insanın özünü təhlükəsiz məkanda daha yaxşı və sərbəst hiss etdiyini nəzərə alsaq, bu işə cavabdeh olanların məsuliyyətini tam anlamış olaraq. Bura gələn ünlü sənətçilər, elə də onların çoxsaylı pərəstişkarları təkcə işlərini oxumaq və dinləməklə bitmiş hesab etmir. Eyni zamanda, onlar isti yay günlərinin dadını çıxarmaq üçün dənizə də üz tuturlar. Məhz burada onların gözəl istirahətinə cavabda olan qurum Su Nəqliyyatında Polis İdarəsi olub. İdarənin 10-dan çox əməkdaşı növbəli iş rejimində əraziyə tam nəzarət edib. Dövlətçiliyimizin keşiyində duran polislərimiz hər zaman olduğu kimi yenə də öz vəzifələrinin şərəflə, vicdanla yerinə yetiriblər.

Demək olar ki, hər gün internet saytlarında öz peşəsinə sadiqliyi ilə seçilən, işinin məsuliyyətini anlayan, dövlətə və dövlətçiliyinə xidmət edən, insanlara köməklik göstərən, cinayətkarlara qarşı amansız olan polislərimiz haqqında müxtəlif yazılara rast gəlir və onları oxuyuruq. Bu sırada su polisinin də öz payı var. Əgər belə olmasaydı “Su polisi əməkdaşları uğurlu əməliyyat keçiriblər”, “Su polisi balıqçının həyatını xilas etdi”, İntihar etmək istəyən şəxsin həyatı su polisi əməkdaşları tərəfindən xilas olunub”, “Dənizdə batmaq təhlükəsi ilə üzləşən şəxs su polisi tərəfindən xilas edilib” kimi sərlövhələrə rast gəlməzdik.

Onlar həmişəki kimi, bu dəfə də “Jara” festivalında sayıqlıqlarını itirmədilər. Bəlkə də festivalda olanların çoxu onların bu fədəakarlıqlarından xəbərsizdir. Bu, heç də onlar üçün önəmli deyil, əsas görülən iş və uğurlu nəticədir. Onlar öz işlərini hər zamankı kimi günü 24 saatında, isti, külək, yağış və soyuq bilmədən vicdanla yerinə yetirirlər. Bir sözlə “Jara”nın istisi onları yormadı.

Qeyd edək ki, ildən-ilə coğrafiyası genişlənən bu festivalın növbəti ildə Dubayda ikinci dəfə, eləcə də Almaniya, Amerika və Belarusda keçirilməsi nəzərdə tutulur.

1news.az

Paylaş:
1081

Son xəbərlər

Zakir Həsənov Qarabağdan çıxan Rusiya sülhməramlılarına lazımi texniki dəstəyin göstərilməsi tapşırığını veribBu gün, 13:04Cavanşir Məmmədov vəfat etdiBu gün, 13:00Beynəlxalq axtarışda olan daha bir şəxs Azərbaycana ekstradisiya edilibBu gün, 12:45FHN Lənkəranda qanunsuz tikililəri sökübBu gün, 12:40Sabunçuda 34 yaşlı kişi qətl edilibBu gün, 12:14“Həmin gün...” musiqili-poeziya gecəsində - FOTOBu gün, 12:00Sabah hava necə olacaq? - PROQNOZBu gün, 11:53Beynəlxalq əmtəə, fond və valyuta bazarlarının göstəriciləriBu gün, 11:40Bakıda oğlan sevgilisini qısqanclıq zəminində qətlə yetirib - YENİLƏNİBBu gün, 11:22Azərbaycan neftinin qiyməti 89 dollara çatıbBu gün, 11:10Kamaləddin Qafarov: “Şirvan suvarma kanalının yenidən qurulması aqrar sektoru inkişaf etdirəcək”Bu gün, 10:55Azərbaycan BMT ilə COP29 çərçivəsində “yaşıl enerji” keçidi və iqlim dəyişikliklərinə qarşı mübarizə istiqamətində müzakirələr aparıbBu gün, 10:43Xankəndidə tapança, avtomat və qumbaralar tapılıbBu gün, 10:36Göygöldə idarəetməni itirən sürücü piyadanı vuraraq öldürübBu gün, 10:32Bəzi ərazilərdə şimşək çaxıb, leysan yağıb - FAKTİKİ HAVABu gün, 10:07ABŞ dövlət katibi Azərbaycanın kəndlərinin qaytarılmasını alqışlayıbBu gün, 09:58Qərbi Azərbaycan İcması: G7-nin açıq-aşkar ayrı-seçkiliyə yol verməsi insan hüquqlarına ziddir19 / 04 / 2024, 21:01"Uğur yolu" karyera inkişafı proqramının final mərhələsi keçirilib - FOTO19 / 04 / 2024, 19:10Aydın İdarəçi və Sənayeçi İş adamları Dərnəyi MÜSİAD Azərbaycanı ziyarət edib - FOTO19 / 04 / 2024, 19:00Bu ilin I rübündə törədilən cinayətlərin 85 faizi açılıb19 / 04 / 2024, 17:53
Bütün xəbərlər