Bu gün Ümumdünya Uşaqlar Günüdür
Bu gün dünyada Ümumdünya Uşaqlar Günü (Ümumdünya Uşaq Hüquqları Günü ) qeyd olunur.
Bu bayram 1956-cı ildən bütün dövlətlərdə uşaqların şərəfinə keçirilməsi tövsiyə olunan bayramdır. Bayram Birləşmiş Millətlər Təşkilatının (BMT) dünya uşaqlarının əmin-amanlığının təmin olunmasına, yaxşılaşdırılmasına yönəldilən fəaliyyətinin möhkəmləndirilməsinə istiqamətlənib.
BMT tərəfindən 1959-cu ilin 20 noyabrında Uşaq Hüquqları Bəyannaməsi, 1989-cu ildə isə Uşaq Hüquqları Konvensiyası qəbul edilib.
BMT-nin Uşaq Fondu Birləşmiş Millətlər Təşkilatının Baş Məclisi tərəfindən Uşaq Hüquqları Konvensiyası (UHK) uşaqların insan hüquqlarını təsdiq edən ilk icbari hüquqa malik beynəlxalq konvensiyadır. 1989-cu ildən bu günədək BMT-yə və ya Cenevrə Konvensiyasına üzv olan ölkələrin sayını üstələyən 193 ölkə tərəfindən ratifikasiya edilmiş Konvensiya demək olar ki, bütün dünyada qəbul edilib.
Bu il Azərbaycanın ratifikasiya etdiyi BMT-nin Uşaq Hüquqları Konvensiyasının (UHK) qəbul edilməsindən 26 il keçir.
Qeyd edək ki, Azərbaycan Ombudsman Aparatı tərəfindən oktyabrın 20-dən noyabrın 20-dək respublikada “Uşaq hüquqları aylığı” keçirilib.
1news.az
