Paris terroru “Charlie Hebdo”-nun budəfəki hədəfidir - FОTО
Fransanın qalmaqallı həftəlik satirik jurnalı “Charlie Hebdo”-nun budəfəki sayında Paris terroruna həsr edilən karikatura əks olunub.
1news.az jurnalın rəsmi saytında yerləşdirilən şəkillərə əsasən xəbər verir. “Charlie Hebdo” jurnalı bu dəfə də Paris terrorunu hədəf alıb.
Karikaturada başlarında papaq olan və fransızları simvolizə edən ruhlar təsvir olunub. Eyni zamanda şəkildə “Fransızlar artıq normal həyata qayıdır” sözləri yazılıb.
Paris terrorundan sonra jurnal hadisəyə görə çox üzüldüyünü və fransızların kədərini paylaşdığını bildirib. Ümumiyyətlə, “Charlie Hebdo” satirik jurnalı dünyada baş verən analoji hadisələrə fərqli yanaşaraq, öz karikaturaları ilə fikirlərini çatdırırlar.
Xatırladaq ki, cari ilin əvvəlində jurnalın redaksiyasına İŞİD terror qruplaşması hücum edərək 12 nəfərin həyatına son qoymuşdu. Onlar səbəb kimi dəfələrlə İslam Peyğəmbərinin təhqir olunması göstərmişdilər.
1news.az
