Gəncədə Təhlükəsiz Şəhər Xidmətinin kameralarını sındıranlardan 3-ü tutuldu

Gəncə şəhərində Təhlükəsiz Şəhər Xidmətinin 3 ədəd müşahidə kameraları və yaddaş qurğususunu sındırmış şəxslərdən üçü tutulub.

1news.az-ın verdiyi xəbərə görə, bu barədə Daxili İşlər Nazirliyinin məlumatında qeyd olunub.

Məlumata görə, dekabrın 6-da saat 21 radələrində Gəncə şəhərinin F.Əliyev küçəsində yerləşən yeraltı keçiddə quraşdırılmış Gəncə Şəhər Baş Polis İdarəsinin Təhlükəsiz Şəhər Xidmətinin 3 ədəd müşahidə kameraları və yaddaş qurğusu naməlum şəxslər tərəfindən sındırılıb.

Polis əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş şəhər sakinləri, əvvəllər məhkum olunmuş Emil Qarayev, Nicat Məmmədov və Xəyal Musayev tutulmuş, daha 3 nəfər isə müəyyən edilib.

Onların da tutulması üçün əməliyyat-axtarış tərbirləri davam etdirilir.

1news.az