Azərbaycanda deputat Milli Məclisin iki komitəsində təmsil oluna biləcək

Milli Məclisin Hüquq siyasəti və dövlət quruculuğu komitəsinin bu gün keçirilən iclasında “Azərbaycan Respublikası Milli Məclisinin Daxili Nizamnaməsi”nə dəyişikliklər müzakirə olunub.

1news.az-ın məlumatına görə, Nizamnamənin 36-cı maddəsinə təklif edilən dəyişiklikdə bildirilir ki, “Bir deputat ən çoxu iki komitənin üzvü ola bilər”.

Hazırkı maddənin tələbinə görə isə deputatın yalnız bir komitənin üzvü olmaq səlahiyyəti var.

33-cü maddəyə təklif edilən dəyişikliyə görə isə Milli Məclis sədrinin seçilməsi zamanı deputatlar yalnız bülleten vasitəsi ilə yox, elektron səsvermə ilə də seçim edə biləcəklər.

Layihə Milli Məclisin plenar iclasına tövsiyə olunub.

1news.az