Oğurluqla məşğul olan bacılar ələ keçdi

Oğurluqla məşğul olan bacılar polis tərəfindən saxlanılıb.

1news.az-ın verdiyi xəbərə görə, bu barədə Daxili İşlər Nazirliyinin yaydığı məlumatda qeyd olunub.

Məlumata görə, Yevlax polisinin həyata keçirdiyi əməliyyat-axtarış tədbirləri nəticəsində avqustun 29-da Aqilə Əliyevanın evindən qızıl və gümüş əşyalar oğurlamış şəhər sakinləri Zarina Kərimova və bacısı Pərvanə Nadirova tutulublar.

Ağdam polisi də oğurluqla məşğul olan iki qadını saxlayıb. Belə ki, həyata keçirilən əməliyyat-axtarış tədbirləri nəticəsində sentyabrın 1-də Şölə Atakişiyevanın evindən 800 manat və qızıl əşyalar oğurlamış Yevlax şəhər sakinləri, əvvəllər məhkum olunmuş Zöhrə Bəkirova və Rahilə Nadirova tutulublar.

1news.az