Avtomobillərin üzərində dini mahiyyətli yazılar yazdıran sürücülərin nəzərinə - VİDEO

Avtomobillərin üzərində dini mahiyyətli yazı və çağırışlar olan sürücülər cəzalandırılacaq. 

Milli Məclisin yaxın vaxtlarda “Dini etiqad azadlığı” haqqında qəbul etdiyi qanunun 21-ci maddəsinə əsasən, Azərbaycanda ibadət yerləri xaricində(insanın öz üzərində olan dini atributlar istisna olmaqla)dini atributların nümayişqadağandır.

Dini yazıların avtomobillərdə qadağan edilməsi məsələsi ilə bağlı onların cərimələnməsi də gündəmə gəlir.

Bu avtomobillərin bir qismi Bakıda, digər qismi isə bölgələrdə lentə alınıb. Onların hamısının arxa şüşəsində dini yazılar var.

Qeyd edək ki, qanun artıq dövlət başçısına da təqdim edilib. Dini yazılar və ya şüarlar olan avtomobillərin cərimələnməsi adi günlərlə yanaşı, Aşura günü kimi müəyyən dini ayinlərin icra olunduğu vaxtlarda da davam etdiriləcək. Çünki bu cür yazılar dini radikalizmin təbliği kimi qiymətləndiriləcək.

1news.az