Nəqliyyat sektoru üzrə yükdaşıma qiymətləri açıqlanıb

2015-ci ilin noyabr ayında boru kəməri nəqliyyatı ilə neftin nəql olunması qiyməti 0,2 faiz ucuzlaşıb.

1news.az xəbər verir ki, bu barədə Dövlət Statistika Komitəsinin yaydığı məlumatda qeyd olunub.

Məlumata görə, qazın nəql olunması qiyməti isə 0,1 faiz bahalaşıb.

Dəmir yolu və dəniz nəqliyyatı üzrə yükdaşıma qiymətləri müvafiq olaraq 0,1 faiz və 1,4 faiz bahalaşıb, hava və avtomobil nəqliyyatı sahələrində yükdaşıma qiymətlərində isə dəyişiklik müşahidə olunmayıb.

Ümumilikdə, nəqliyyat sektorunda yükdaşıma qiymətləri əvvəlki ayla müqayisədə sabit qalıb.

1news.az