Bakı Limanı "ADA" Universiteti ilə logistika sahəsində mütəxəssislər hazırlayacaq | 1news.az | Xəbərlər
Cəmiyyət

Bakı Limanı "ADA" Universiteti ilə logistika sahəsində mütəxəssislər hazırlayacaq

11:05 - 15 / 12 / 2015
Bakı Limanı "ADA" Universiteti ilə logistika sahəsində mütəxəssislər hazırlayacaq

"Bakı Beynəlxalq Dəniz Ticarət Limanı" QSC və "ADA" Universiteti Logistika sahəsində Biznes İdarəçiliyi üzrə Beynəlxalq Magistr Proqramının (MBA) həyata keçirilməsinə dair anlaşma memorandumu imzalayıb.

1news.az xəbər verir ki, Bakı Limanından verilən məlumata görə, memorandumun məqsədi Bakı Limanının dəstəyi ilə logistika və daşımalar, nəqliyyat, limanların idarə edilməsi sahələri üzrə yüksək ixtisaslı və müasir tələblərə cavab verən kadrların hazırlanması üçün "ADA" Universitetində müvafiq ixtisasın tədris edilməsidir.

Görüşdə iştirak edən "ADA" Universitetinin rektoru Hafiz Paşayev logistika sahəsinin ölkə iqtisadiyyatı üçün mühüm sahələrdən biri olduğunu vurğulayıb. O, bildirib ki, hazırda Universitetdə tədris edilən Biznes İdarəçiliyi üzrə Beynəlxalq Magistr Proqramı əlavə olaraq maliyyə, səhiyyənin idarə edilməsi, insan resurslarının idarə edilməsi, marketinq, texnologiyanın idarə edilməsi sahələrində də ixtisaslaşma təklif edərək, Azərbaycanın biznes sektoruna mütəxəssislər hazırlayır. H.Paşayev Bakı Beynəlxalq Dəniz Ticarət Limanı ilə də birgə proqramın uğurlu olacağına əminliyini ifadə edib.

İmzalanma mərasimində iştirak edən "Bakı Beynəlxalq Dəniz Ticarət Limanı" QSC-nin baş direktoru Taleh Ziyadov isə öz növbəsində bu memorandumun Bakı Limanının Azərbaycan cəmiyyəti və gələcəyi qarşısında korporativ məsuliyyət çərçivəsində peşəkarlar və karyerasını logistika sahəsində qurmaq istəyən vətəndaşlar üçün yaratdığı tədris və təlim imkanlarından biri olduğunu qeyd edib: "Təhsilə yatırılan investisiyalar uzunmüddətli və strateji əhəmiyyətlidir. Bakı Limanı Azərbaycanı mühüm nəqliyyat və logistika mərkəzinə çevirərək ölkə və regionun iqtisadiyyatında xüsusi rol oynamağı qarşısına məqsəd qoyub.  Azərbaycan gənclərinə yatırılan bu investisiyanı həm də məqsədimizə çatmaq istiqamətində atılmış mühüm addım olaraq dəyərləndiririk". O, həmçinin bu əməkdaşlığın ölkə başçısının neft kapitalını intellektin və peşəkar kadrların inkişafına çevirmək strategiyasına da uyğun olduğunu vurğulayıb.

Qeyd edək ki, memoranduma əsasən,  2016-cı ildə "ADA" Universitetində logistika sahəsində MBA proqramına qəbul olan tələbələrin təhsili Bakı Limanı tərəfindən maliyyələşdirələcək. Bu proqram "ADA" Universitetinin yerli və əcnəbi professorları tərəfindən ingilis dilində tədris ediləcək. Tədris proqramının müddəti 15 aydır. Bu müddət ərzində tələbələr tədris proqramı çərçivəsində logistika və təchizat zəncirinin əsasları, iqtisadiyyat, maliyyələşmə, marketinq, idarəetmə üzrə fənlər və praktiki seminarlar keçəcək, eləcə də xaricdə qısamüddətli təlimlər vasitəsi ilə uğurlu beynəlxalq təcrübədən yararlanmaq imkanı əldə edəcəklər. Təhsilini uğurla başa vuranlar Bakı Limanında işlə təmin olunacaqlar.

Paylaş:
1100

Son xəbərlər

İlham Əliyev Qırğızıstana səfərə gedibBu gün, 12:24Yağış, qar, külək - Sabahın havası açıqlandıBu gün, 12:13Musiqi və incəsənət məktəblərində tədris proqramları yenilənibBu gün, 12:09QMİ sədrindən təklif: COP çərçivəsində Dini liderlərin Məşvərət Şurası yaradılsınBu gün, 11:57Quba-Xınalıq yolunda yeni körpünün inşasına başlanılıb - FOTOBu gün, 11:45Bakıda evdən dəyəri 10 min manatdan çox olan avadanlıq oğurlanıbBu gün, 11:28TKTA diplomları tanınmayan və ən çox imtina alan universitetlərin siyahısını açıqlayıbBu gün, 11:25İçərişəhərdə COP29 zamanı ziyarətçilərə uzadılmış iş saatlarında xidmət göstəriləcəkBu gün, 11:21“Bakcell” “Birbank” istifadəçilərinə xüsusi üstünlüklər verən "Birinci" tarifini təqdim edirBu gün, 11:13ADY-nin tranzit daşımaları ötən il ilə müqayisədə 7 faiz artıbBu gün, 11:04FHN metronun “Koroğlu” stansiyasında təlim keçirib - VİDEOBu gün, 10:45Milli Depozit Mərkəzi İT sistemlərini “Hökumət buludu”na köçürübBu gün, 10:35Əmtəə bazarlarında qızıl və gümüş cüzi ucuzlaşıbBu gün, 10:33COP29 günlərində enerji təchizatının dayanıqlığı üçün əks-qəza məşqləri keçirilibBu gün, 10:33Küləkli hava şəraiti nə vaxtadək davam edəcək?Bu gün, 10:10Tərtər-Ağdərə avtomobil yolunun inşasına başlanılıb - FOTO - VİDEOBu gün, 10:06Bestcomp Group - CISCO tərəfindən MEA regionunda “İlin informasiya təhlükəsizliyi üzrə tərəfdaşı” seçilibBu gün, 09:57Küləkli hava ilə bağlı yolda sürət həddi endirildiBu gün, 09:56İki BOKT-un vəzifəli şəxsləri cərimə edildiBu gün, 09:50Şəkidə oğurluq etməkdə şübhəli bilinən maskalı şəxslər tutulubBu gün, 09:44
Bütün xəbərlər