Dənizdə qalan balıqçılar xilas edildi

Dənizdə köməksiz qalan balıqçılar xilas edilib.

1news.az xəbər verir ki, bu barədə Dövlət Sərhəd Xidmətindən (DSX) məlumat veriblər.

Məlumata görə, dekabrın 14-də saat 13:00 radələrində DSX Sahil Mühafizəsinin “Vel” sahil nəzarəti məntəqəsinə dənizdə balıqçı qayığında yaranmış texniki nasazlıq səbəbindən iki nəfər balıq­çı­nın həyatının təhlükə qarşısında qalması barədə məlu­mat daxil olub.

Sahildən iki mil aralıda yerləşən qayığın koordinatları dəqiq­ləş­di­ril­dikdən sonra həyata keçirilən xilasetmə tədbirləri nəticə­sin­də Astara rayon Şahağacı kəndinin sakini Əliyev Elvin Ağaverdi oğlu və Kakalos kənd sakini Məmmədov Amil Valeh oğlu qayıqla birlikdə sahilə çıxarılıblar.

1news.az