İmişlidə minik avtomobili yük maşınına çırpılıb, 3 nəfər ölüb, 1 nəfər xəsarət alıb

İmişli rayonunda ağır yol qəzası nəticəsində 3 nəfər ölüb, 1 nəfər ağır xəsarət alıb.

Аvtoqəza saat 00.30-da İmişli şəhəri, H.Əliyev prospektində baş verib.

İmişli sakini, Kərimov Elkin Əli oğlunun idarə etdiyi VAZ 2107 markalı 10 GV 293 dövlət nömrə nişanlı avtomobil yolun kənarında dayanan “QAZ 53”  markalı 30 BE 153 dövlət nömrə nişanlı avtomobilə çırpılıb. Nəticədə avtomobildə olan sərnişinlər-İmişli rayonu Cəfərli kənd sakini, 1989-cu il təvəllüdlü Əmirov Valeh Əmir oğlu, Otuziki kənd sakini, 1985-ci il təvəllüdlü Cavadov Samir Adəm oğlu və Ağcəbədi rayonu Hacıbədəlli kənd sakini, 1992-cı il təvəllüdlü Mürşüdlü Elçibəy Musa oğlu aldıqları ağır bədən xəsarətlərindən hadisə yerində ölüblər. Sürücü isə ağır vəziyyətdə İmişli rayon xəstəxanasının reanimasiya şöbəsinə yerləşdirilib.

Faktla bağlı İmişli polis şöbəsi araşdırma aparır.

АПА