Təhsil Nazirliyi KİV-də ödənişli təhsilin ləğvi ilə bağlı yayılmış xəbərlərə aydınlıq gətirib

Bu gün bir sıra KİV-də yayılıb ki, Azərbaycanda universitetlərdə təhsil haqlarının ləğv etməyi planlaşdırılır. Eyni zamanda qeyd olunur ki, yenilik əsasən “Azərbaycanda təhsilin inkişafı dövlət strategiyası” ilə əlaqədar həyata keçirilir və mexanizm ölkənin bütün ali təhsil ocaqlarına şamil ediləcək.

Bu haqda 1news.az-a Təhsil Nazirliyinin mətbuat xidmətindən məlumat verilib ki, ödənişli əsasla qəbul planı ilə təhsil haqqının ləğvi – ayrı-ayrı məsələlərdir.

“Hazırki vəziyyətdə 2016-2017-ci tədris ili üçün ödənişli əsaslarla dövlət universitetlərinə plan yerlərinin ləğvindən söhbət gedir. Yəni, ödənişli əsaslarla yerlərin sayı universitetlərin öz imkanları çərçivəsində təyin ediləcək”, - mətbuat xidmətində qeyd olunub.

1news.az