İtkin düşən neftçilərin ailə üzvləri üçün 3 helikopter ayrılıb

Bizim xahişimizlə Fövqəladə Hallar Nazirliyi helikopter ayırıb. Jurnalistlər və valideynlər “Günəşli” yatağındakı 10-cu və “Neft daşları”ndakı 501-ci özülə uçub ordakı axtarış-xilasetmə işləri ilə tanış olacaqlar.

1news.az-ın “Report”a istinadən verdiyi xəbərə görə, bunu jurnalistlərə açıqlamasında Dövlət Neft Şirkətinin (SOCAR) vitse-prezidenti Xalik Məmmədov deyib.

X.Məmmədovun sözlərinə görə, dənizdəki qasırğa axtarış-xilasetmə işlərinə çətinlik yaradır.

“Hazırda Fövqəladə Hallar Nazirliyi, Dövlət Sərhəd Xidməti, Xəzər Dənizi Gəmiçiliyinin helikopter və gəmiləri axtarış işlərinə cəlb edilib”- deyə, X.Məmmədov qeyd edib.

1news.az