“ASAN xidmət”də 5 gün qeyri-iş günü olacaq

31 dekabr - Dünya Azərbaycanlılarının Həmrəylik Günü və Yeni illə əlaqədar bütün "ASAN xidmət” mərkəzlərində 31.12.2015 - 4.01.2016-cı il tarixlərində qeyri-iş günü olacaq.

Bu haqda 1news.az-a  "ASAN xidmət”in İnformasiya təminatı şöbəsinin müdiri Anar Hüseynov məlumat verib.

Məlumatda bildirilir ki,  5 yanvar tarixindən etibarən isə  vətəndaşlar “ASAN xidmət” mərkəzlərinə müraciət etməklə müvafiq xidmətlərdən yararlana biləcəklər.

Qeyd edək ki, "ASAN xidmət" mərkəzləri həftənin bazar ertəsi - cümə günləri saat 10:00-dan 20:00-dək, şənbə və bazar günləri isə saat 10:00-dan 17:00-dək (nahar fasiləsi olmadan) fəaliyyət göstərir.

1news.az